Рәсми Татарстан

Венгриянең Казандагы генераль консулы Адам Штифтер М.Шәймиевне татар телендә сәламләде

Бүген Казан Кремлендә Татарстан Республикасы Дәүләт Киңәшчесе Минтимер Шәймиев Венгриянең Казандагы генераль консулы Адам Штифтер белән очрашты.
28.05 16:02

(Казан, 28 май, "Татар-информ"). Бүген Казан Кремлендә Татарстан Республикасы Дәүләт Киңәшчесе Минтимер Шәймиев Венгриянең Казандагы генераль консулы Адам Штифтер белән очрашты. Адам Штифтер Минтимер Шәймиевне татар телендә сәламләде, дип Татарстан Президенты матбугат хезмәте хәбәр итте.

  • Венгриянең генераль консуллыгы Казанда 2015 елда ачылган иде.

“Татарстанда эшләү минем өчен зур дәрәҗә һәм шатлык. Казанда элек тә булганым бар иде, мине монда Казан халкының үзара аерым дустанә мөнәсәбәте гаҗәпләндерде. Генераль консуллык актив эшли, шенген визасын бирү оештырылды”, - дип сөйләде Адам Штифтер.

Минтимер Шәймиев билгеләгәнчә, Казанда Генераль консуллык ачылышы – Россия һәм Венгрия җитәкчелегенең акыллы карары, чөнки безнең илләребез халыкларын бәйләүче тарихи тамырлар бик борынгы чорда.

Сәүдә-икътисади хезмәттәшлек турында иң беренче хөкүмәтара килешүне 1992 елда Венгрия имзалады, дип искә алды ул. 1993 елның маенда Татарстан Президенты Минтимер Шәймиев Венгриядә була.

Адам Штифтер хәбәр иткәнчә, агымдагы елның 15-19 октябрендә Казанда борынгы венгрлар тарихы буенча халыкара конференция уздыру планлаштырыла. Анда төрле илләрдән, шул исәптән Венгриядән археологлар, шулай ук Венгриянең Тышкы икътисади элемтәләр һәм тышкы эшләр министрлыгы вәкиле катнашачак.

Очрашу барышында икътисади хезмәттәшлек мәсьәләләре белән бергә, мәдәният, мәгариф һәм фән өлкәсендә элемтәләрне ныгыту һәм шулай ук мәдәни-тарихи мирасны саклау өлкәсендә хезмәттәшлек буенча фикер алыштылар. 

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

Истанбулда төрки дөньяның социаль челтәре – “Төркитуй” эшли башлады

"Төркитуй" - бер тамырдан килүче, төрки телләрдә сөйләшүче халыкларның бер-берсе белән уңайлырак аралашулары өчен булдырылган.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.

Синоптиклар иртәгә Татарстанда һава шартлары бозылу турында кисәтә

23 сентябрьдә төнлә һәм иртән республика территориясендә һәм Казанда томан төшәчәк.