Сәясәт

Илшат Сәетовның “Россиядә һәм Төркиядә сәяси маркетинг технологияләре” китабы чыкты

Сәясәт фәннәре кандидаты китапның әһәмияте, эчтәлеге турында сөйләде.
30.05 16:56

(Казан, 30 май, “Татар-информ”, Гөлнар Гарифуллина). Россия Федерациясе Фәннәр академиясенең Көнчыгышны өйрәнү институты гыйльми хезмәткәре Илшат Сәетовның “Россиядә һәм Төркиядә сәяси маркетинг технологияләре” китабы дөнья күргән. Китапның эчтәлеге турында автор “Татар-информ” агентлыгы хәбәрчесенә сөйләде.

“2006 елда яклаган диссертациягә нигезләнгән чыгарган китап бу. Алты бүлектән тора. Беренчесе – сәяси технологияләрнең кыскача тарихы. Икенчесе – сайлау технологияләре турында теория: терминнар һәм төшенчәләр, өченчесе – сайлау маркетинг технологияләренең классификациясе, дүртенчесе – Россия һәм Төркиядә сайлау маркетинг технологияләренең кулланылуының илгә бәйле факторлары, бишенчесе – Россия һәм Төркиядә сайлау маркетинг технологияләре куллынышы, алтынчысы – Төркиядәге гаделлек һәм үсеш партиясенең сәяси маркетингы”, - дип белдерде Илшат Сәетов.

FB_IMG_1527654651646.jpg

Ул Төркия турында күбрәк 2014-2015 елларда язганын әйтте. Китапта бирелгән мәгълүмат та шул 2015 ел белән туктый. Ләкин, автор әйтүенчә, аннан соң яңа әйбер чыкмаган, шуңа күрә материал искергән дип әйтеп булмый. Әңгәмәдәш китапка шул үзенең диссертациясен карап чыгып, аңа төзәтмәләр, өстәмәләр кертеп, китап итеп туплаганын белдерде.

“Төп эчтәлеге шул: сайлауларда һәм сәясәттә төрле технологияләр кулланыла, аларның бер төре маркетинг. Административ, юридик, икътисади технологияләрне алмыйм, ачык базарда аерым кандидатларның образын “сату” турында сүз бара. Маркетинг технологияләре аша кандидатларга ничек итеп тавыш бирдерергә. Реклама, PR белән, ягъни, кешене көчләп түгел, ә нәкъ менә “сатып”, - ди сәясәт фәннәре кандидаты.

Илшат Сәетов әйтүенчә, бу китап күбесенчә сәясәт белән хирысланган кешеләргә, студентларга кызыклы булачак. “Сайлаулар технологияләре белән кызыксынган теоретик һәм практикларга да файдалы булачак. Бу өлкәдә теоретик кешеләр әз. Төркия белән кызыксынучы кешеләргә дә кызык булыр дип саныйм”, - ди ул.

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.