Икътисад

“Татнефть” Директорлар советы 2018 елның беренче кварталына йомгак ясады

Өч ай эчендә “Татнефть” ГАҖ 7 млн 13 мең тонна нефть чыгарган. 138 нефть чыгаручы яңа скважина һәм 40 басым ясаучы скважина гамәлгә кертелгән.
30.05 17:15

(Казан, 30 май, “Татар-информ”). Бүген Татарстан Республикасы Президенты Рөстәм Миңнеханов “Татнефть” гамәви акционерлык җәмгыятенең чираттагы утырышын уздырды. Бу хакта Татарстан Хөкүмәте матбугат хезмәте хәбәр итә.

Утырыш Татарстан Республикасы Хөкүмәте йортында узды.

Утырышта 2018 елның дүрт ае эчендә компаниянең бюджеты үтәлеше йомгаклары каралды һәм июнь аена бюджеты расланды. Быелның беренче кварталында финанс-хуҗалык эшчәнлеге йомгаклары турында фикер алышынды.

"Татнефть" ГАҖ Директорлар советы утырышы. 
Татарстан Республикасы Президенты, 
"Татнефть" ГАҖ Директорлар советы рәисе 
Р.Н. Миңнеханов уздыра.

Өч ай эчендә “Татнефть” ГАҖ 7 млн 13 мең тонна нефть чыгарган. 138 нефть чыгаручы яңа скважина һәм 40 басым ясаучы скважина гамәлгә кертелгән.

2017 елның шушы чорына карата төяп җибәрелгән продукцияне реализацияләүдән килер-брутто 22,2 млрд сумга арткан һәм 196,4 млрд сум тәшкил иткән. Төяп җибәрелгән продукцияне реализацияләүдән килер-нетто (НДС, экспорт пошлинасыннан һәм акцизлардан гайре) 21,1 млрд сумга арткан һәм 166 млрд сум тәшкил иткән. Чиста табыш 7,9 млрд сумга арткан һәм 37,3 млрд сум тәшкил иткән.

"Татнефть" ГАҖ Директорлар советы утырышы. 
Татарстан Республикасы Президенты, 
"Татнефть" ГАҖ Директорлар советы рәисе 
Р.Н. Миңнеханов уздыра.

Директорлар советы “Татнефть” компанияләр төркеме буенча берләштерелгән финанс хисаплылыгына, шулай ук 2017 елда компаниянең финанс-хуҗалык эшчәнлеген җәмгыятьнең ревизия комиссиясе һәм “Прайсвотерхаус Куперс Аудит” АҖ аудиторлар компаниясе уздырган тикшерүләргә йомгак ясады.

Шулай ук утырышта Директорлар советы комитетларының башка хисаплары да каралды.

 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Кариев театры премьералар парады вәгъдә итә

Кариев театры яңа сезонын 4 октябрьдә “Куян Эдвардның гаҗәеп сәяхәте” спектакле белән ача.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.