Икътисад

Җылылык энергиясенә бәяләр июль аеннан артачак

Бер гигакалория өчен тариф 59 сумга арта.
31.05 11:41

(Казан, 31 май, “Татар-информ”). “Казэнерго” АҖ 1июльдән җылылык энергиясенә бәяләрне арттырачак. Бу хакта журналистларга “Татар-информ”га интервьюда компания генераль директоры Рөстәм Абдулхаков сөйләде.

“Бүгенге көндә тариф бер гигакалориягә 1 мең 678 сум тора. Ул бер гигакалориягә 1 мең 737 сум булачак”, — диде Абдулхаков.

Һәр елны 1 июльдән тарифлар җылылыкка гына түгел, тулаем энергетика буенча арта. Безнең оешмада гына да түгел, ә тулаем тармакта.

Шул ук вакытта еллык тариф үсеше дүрт проценттан артырга тиеш түгел. Быел Тарифлар буенча дәүләт комитеты “Казэнерго” өчен җылылык энергиясенә тарифны 59 сумга, ягъни 3,5 процентка арттырды, дип хәбәр итте компания башлыгы.

 

КӨН ҮЗӘГЕНДӘ

16 августның төп вакыйгалары - фото һәм сылтамалар

Рөстәм Миңнеханов бүген Теләчедә, Биектауда, Балык Бистәсендә булды, Самара өлкәсендә яңа мәчет ачылды.

Рөстәм Миңнеханов: Теләче районы гадәттәгечә урып-җыю барышында оешканлык күрсәтә

Татарстан Республикасы Президенты сүзләренчә, теләчелеләрнең уңыш күләмнәрен арттыру өчен резервлары җитәрлек.

Рөстәм Миңнеханов Казан авиация заводының алдынгы хезмәткәрләрен бүләкләде

«Республика һәрвакыт сезнең белән, без һәрвакытта да үзебездә җитештерелгән продукциягә өстенлек бирәчәкбез», - диде Татарстан Президенты.

Татарстан укучысы Кытайда халыкара математика олимпиадасында алтын медаль яулады

Олимпиадада Сингапур, Филиппин, Макао, Гонконг, Россия, АКШ, Канада, Бөекбритания һәм Австралия укучылары катнашты.

“Казан” гаилә үзәге янында Red Bull Air Race тамашачы зонасы тулысынча түләүле була

“Һавада Формула-1” болид очышларын Кремль яр буеннан түләүсез карап булачак.