Фән һәм мәгариф

Олы Кайбыч мәктәбе укучысы Кырымдагы "Артек" үзәгенә бару хокукына ия булды

Олы Кайбыч урта мәктәбе укучысы Илсинә Шакирова, «Лидер» бәйгесендә катнашып, Татарстан буенча бердәнбер җиңүче дип танылды.
02.06 08:00

(Кайбыч, 1 июнь, "Татар-информ","Кайбыч таңнары",  Фирәдә Сайранова). Олы Кайбыч урта мәктәбе укучысы Илсинә Шакирова, «Лидер» бәйгесендә катнашып, Татарстан буенча бердәнбер җиңүче дип танылды.Әлеге җиңүе өчен Илсинә Кырымдагы «Артек» Халыкара балалар үзәгенә бару хокукын алды һәм 28 майда шунда китте, дип яза җирлее басма.

«Лидер» Бөтенроссия бәйгесендә катнашкан сигез мең укучы арасыннан йөз җиңүчене сайлап алганнар һәм шуның берсе генә Татарстаннан. Ул да булса, Кайбыч кызы Илсинә. «Бергәләп эшлибез» хәрәкәте тарафыннан «Безнең геройлар» Бөтенроссия акциясе кысаларында үткәрелгән «Лидер» бәйгесенең максаты – мәктәп укучыларын узган чорлардагы һәм бүгенге көн геройлары мисалында патриотик рухта тәрбияләү, Россия һәм кече Ватаныңның тарихына җаваплы һәм сак караш уяту, ватандашларыбызның батырларча җиңүләренә, Россия тарихындагы истәлекле вакыйгаларга хөрмәт белән карау хисләре уяту. 1-30 апрельдә узган акциянең беренче этабы совет халкының Бөек Ватан сугышында Җиңүенең 73 еллыгына багышланган иде.

Илсинә үзе җиңүгә юлның җиңел булмавын яшерми. Аңа бик күп эзләнүләр алып барырга, волонтерлык белән шөгыльләнергә, яшьтәшләре игътибарын Бөек Ватан сугышы ветераннары, сугыш геройларына ныграк җәлеп итәргә туры килгән.

28 майда бу акциянең барлык җиңүчеләре «Артек»ка җыелды. Алар монда бүгенге көн геройлары турында үзләренең тикшеренүләрен тәкъдим итәчәк.
– Россия күләмендәге әлеге бәйгедә җиңүемә бик шатландым. Ай дәвамында без Бөек Ватан сугышы һәм илебез геройларына багышланган акцияләр үткәрдек, һәйкәл тирәләрен чистарттык, ветераннарга өй эшләрендә булыштык. Үзебезнең район геройларына багышланган дәресләр, мәктәп музеенда экскурсияләр үткәрдем. Куратор Гөлшат Хәйретдинова дөрес юнәлеш бирде, гел ярдәм итеп торды. Җиңүемдә аның өлеше зур, – диде Илсинә.

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.