Рәсми Татарстан

Татарстан Президенты Мәскәүдә Стратегик партнёрлык турында декларация имзалауда катнашты

Рөстәм Миңнеханов Россия Президенты Владимир Путинның Әбу-Даби варис шахзадәсе Мөхәммәд Ән Нәхәйян белән очрашуында катнашты.
02.06 11:34

(Казан, 2 июнь, “Татар-информ”). Татарстан Республикасы Президенты Рөстәм Миңнеханов кичә Мәскәүгә эш сәфәре белән барды. Бу хакта Татарстан Презденты матбугат хезмәте хәбәр итә.

Эш сәфәре кысаларында ул Россия Федерациясе Президенты Владимир Путинның Әбу-Даби варис шахзадәсе Мөхәммәд Ән Нәхәйян белән очрашуында катнашты. Очрашу Кремльдә узды.

Владимир Путин Әбу-Даби варис шахзадәсе, Берләшкән Гарәп Әмирлекләре Кораллы көчләренең Югары баш командующие урынбасары Мөхәммәд Ән Нәхәйянны Кремльдә кабул итте.

Очрашу барышында Россия-Әмирлек арасында сәүдә-икътисади һәм инвестицияләр өлкәләрендәге хезмәттәшлекне киләчәктә үстерү мәсьәләләре турында, энегетика тармагында агымдагы вазгыять турында, шулай ук халыкара һәм төбәк көн тәртибенең актуаль темалары турында фикер алыштылар.

Моннан тыш, Владимир Путин һәм Мөхәммәд Ән Нәхәйян Россия Федерациясе белән Берләшкән Гарәп Әмирлекләре арасында Стратегик партнёрлык турында декларация имзаладылар.

Имзалау тантанасында Татарстан Республикасы Президенты Рөстәм Миңнеханов та катнашты.

 

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

Истанбулда төрки дөньяның социаль челтәре – “Төркитуй” эшли башлады

"Төркитуй" - бер тамырдан килүче, төрки телләрдә сөйләшүче халыкларның бер-берсе белән уңайлырак аралашулары өчен булдырылган.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.

Синоптиклар иртәгә Татарстанда һава шартлары бозылу турында кисәтә

23 сентябрьдә төнлә һәм иртән республика территориясендә һәм Казанда томан төшәчәк.