Сәясәт

Рамзан Кадыйров Татарстанны “Россиянең ныклы таянычы һәм фундаменты” дип атады

Чечня башлыгы республика казанышларында Татарстан Президенты Рөстәм Миңнехановның тырышлыгын билгеләп үтте.
03.06 11:31

(Казан, 3 июнь, “Татар-информ”). Чечня башлыгы Рамзан Кадыйров Татарстанны илнең “ныклы таянычы һәм фундаменты” булган төбәкләр сафында булуын һәм бу Татарстан Президенты Рөстәм Миңнехановның тырышлыгы булуын әйтте. Бу хакта ул социаль челтәрдә “ВКонтакте" дагы үз битендә язган.

“Аның икътисади сәясәттә зирәк һәм уйлап эшләве аркасында Татарстан уңышлы үсеш кичерә, барлык тармакларда югары темплар күрсәтелә”, - дигән Чечня Республикасы башлыгы. Һәм өстәп, коллегасы белән аралашу, “киңәшләшү, кыйммәтле тәҗрибә алу” күңелле булуын җиткергән.

Шулай ук Кадыйров Мәскәүдә 1 июньдә Миңнеханов белән булган очрашуны, анда яңалыклар белән уртаклашуларын һәм якындагы планнары хакында фикер алышуларын искә алган. Ул көнне Чечня Республикасы башлыгы да, Татарстан Президенты да Россия Президенты Владимир Путинның Берләшкән Гарәп Әмирлекләренә керүче Абу-Даби принцы Мөхәммәд бен Зайд аль-Нахайян белән очрашуында катнашты.

Рамзан Кадыйров үз язмасын Татарстанга һәм аның халкына “яхшылык, тынычлык һәм иминлек” теләп төгәлләгән.
 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.