Сәясәт

“Турыдан туры элемтә” оештыручылары Путинга атна эчендә 770 меңләп сорау җыйган

Сорауларның күбесе – 442 мең мөрәҗәгать телефон аша килеп ирешкән.
03.06 13:27

(Казан, 3 июнь, “Татар-информ”). Россия Президенты Владимир Путин белән “Турыдан туры элемтә”гә сораулар җыю нәкъ бер атна элек, 27 майда башланды. Бу вакыт эчендә оештыручылар төрле каналлар буенча 768 мең 672 мөрәҗәгать кабул иткән. Бүген 3 июньнең Мәскәү вакыты белән 09:00 сәгатенә шундый мәгълүмат тупланган, дип хәбәр итә ТАСС.

Дәүләт башлыгына сорау юллау өчен элеккечә иң популяр канал булып телефон кала. Шулай итеп, 442 мең мөрәҗәгать телефон аша килеп ирешкән.

Икенче урында sms-хәбәрләр. Атна дәвамында 192,5 мең sms -хәбәр алынган, mms-хәбәрләр сирәгрәк җиткерелә – алар 17 мең булган.

Путинга сорау бирергә теләүчеләрдә популярлык буенча өченче урында moskva-putinu.ru махсус сайт программасы тора. Аның ярдәмендә президентка 72 мең тапкыр мөрәҗәгать иткәннәр.

Социаль челтәрләрдә махсус кушымталар һәм төркемнәр программасы актив кулланыла. Әлеге каналлар буенча 45 мең сорау җиткерелгән.

Владимир Путин белән “Турыдан туры элемтә” 7 июньдә була. Ул көн үзәгендә башлана. Халык мөрәҗәгате программа төгәлләнгәнче кабул ителәчәк.

  • Путин өчен “Турыдан туры элемтә” алты еллык ил башлыгы вазифасында беренче һәм 2001 елдан башлап 16нчы тапкыр узачак. Путин сорауларга 11 тапкыр президент вазифасында һәм дүрт тапкыр премьер- министр сыйфатында җавап бирде.


 

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

Истанбулда төрки дөньяның социаль челтәре – “Төркитуй” эшли башлады

"Төркитуй" - бер тамырдан килүче, төрки телләрдә сөйләшүче халыкларның бер-берсе белән уңайлырак аралашулары өчен булдырылган.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.

Синоптиклар иртәгә Татарстанда һава шартлары бозылу турында кисәтә

23 сентябрьдә төнлә һәм иртән республика территориясендә һәм Казанда томан төшәчәк.