Икътисад

Siemens КНИТУ-КАИ базасында яңа лаборатория ачты

Яңа мәйданчыкта цифрлы проектлаштыру өлкәсендәге программалар тормышка ашырылачак.
04.06 13:22

(Казан, 4 июнь, «Татар-информ»). Siemens компаниясе КНИТУ-КАИ - Казан илкүләм тикшеренү университетының Германия-Россия яңа технологияләр институтында Siemens PLM Software (PLM лабораториясе) махсуслашкан үзәген булдырды. Чарада Татарстан Президенты Рөстәм Миңнеханов һәм уку йортының ректоры Альберт Гыйльметдинов катнашты.

Яңа лабораториядә 10 эш урыны булдырылган. Анда цифрлы проектлау буенча белем бирү программалары тормышка ашырылачак. Үзәк шулай ук Татарстан һәм Россиядәге сәнәгать предприятиеләрендәге индустриаль бурычларны тормышка ашырырга да ярдәм итәчәк дип фаразлана. Яңа технологияләр эшләнмәләрнең куллану циклы белән идарә итәргә мөмкинлек бирәчәк.

"Хәзерге көндә бу Татарстандагы иң җиһазландырылган лаборатория. Бу пакет белән бик күп оешмалар файдалана. Бу цифрлы сынаулар уздырырга, цифрлы җитештерү һәм эксплуатацияләүне тормышка ашырырга мөмкинлек бирә", - дип сөйләде Гыйльметдинов.

Siemens уку йортына 25 коммерцияле һәм 50 академик программа лицензиясен тапшырган. Лабораториядә 10 станция эшләячәк.

Открытие лаборатории Сименс СУПЖЦ  (система управления полным жизненным циклом изделий) КНИТУ-КАИ. Принимает участие Президент Республики Татарстан Р.Н. Минниханов.

Лабораториядәге Siemens PLM Software программалары башлыча авиацион техника һәм технологияләрдә, машина төзелешендә, лазер һәм аддитив технологияләрдә кулланылачак.

PLM үзәге - уку йортының Siemens компаниясе белән тормышка ашырылган өченче уртак проекты. ГРИНТ базасында "Автоматизация" һәм "Реле саклагычлары һәм автоматика" дип аталган ике фәнни лаборатория ачылган иде инде.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.