Дин

"Хозур" нәшрияты Имам Әбү Хәнифәнең хәдисләр җыентыгын чыгарды

Җыентыкка 500 дән артык хәдис тупланган.
04.06 20:06

(Казан, 4 июнь, "Татар-информ"). "Хозур" нәшрият йорты Имам Әбү Хәнифә Ән-Ногманның (Аллаһының рәхмәтендә булса иде) хәдисләр җыентыгын бастырып чыгарды. Бу турыда Татарстан мөселманнары Диния нәзарәте матбугат хезмәте хәбәр итте.

"Имам Әбү Хәнифәнең (Аллаһының рәхмәте ирешсә иде) хәдисләр җыентыгы" үз эченә 500 дән артык хәдисне туплаган. Әбү Хәнифә аларны Пәйгамбәребез Мөхәммәдкә (аңа Аллаһының рәхмәте һәм сәламе булса иде) ирешә торган төрле ысуллар белән җиткерә.

"Әбү Хәнифәнең хәдисләр җыентыгы дөньяның төрле почмакларында - Көнчыгыштан алып Көнбатышка һәм Төньяктан Көньякка кадәр таралырга өлгерде инде. Белемгә омтылучы галимнәр һәм студентлар хәдисләрне буыннан-буынга тапшырганнар, эчтәлеге буенча бүлекләргә бүлгәннәр һәм аңлату эшләре белән шөгыльләнгәннәр. Бу Әбү Хәнифәнең олы гыйлемле галим булуын раслый", диелгән әлеге хәбәрдә.

Болгар ислам академиясе профессоры Габдер-Раззак Габдер-Рахман Ас'тәмуг Сәгъди Хәсәни Гыйракый "Муснад" хәдисләр җыентыгын тикшергән, аңа искәрмә һәм аңлатмалар язган. 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.