Икътисад

"Яңа эш башлаучы фермерларга ярдәм" грантлар бәйгесендә иң күп җиңүчеләр Мамадыштан булды

Грантларның гомуми суммасы – 185,8 млн сум, шулардан 107,8 млн сум – федераль бюджеттан.
05.06 08:31

(Казан, 5 июнь, "Татар-информ"). "2017-2020 елларга Татарстан Республикасында яңа эш башлаучы фермерларга ярдәм" федераль ведомство программасы буенча грантлар бирү өчен крестьян (фермер) хуҗалыклары проектларын сайлап алу конкурсына йомгаклар ясалды. Иң күп җиңүчеләр Мамадыш районыннан - алты хуҗалык, Баулы, Буа, Кукмара һәм Чирмешән муниципаль районнарыннан - бишәр хуҗалык. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

Грантларның гомуми суммасы – 185,8 млн сум, шулардан 107,8 млн сум – федераль бюджеттан (58%).

Конкурска гариза биргән 122 крестьян (фермер) хуҗалыгыннан 34 муниципаль районнан 84 КФХ грантларга ия булды, диелгән әлеге хәбәрдә.

Грант алучыларның күпчелеге терлекчелек юнәлешендәге проектларны гамәлгә ашырачаклар, шулардан 22 – сөтчелек юнәлешендә - 841 баш сыер, 20 – эре мөгезле терлекләр симертү буенча - 1334 баш, 5 – кошчылык буенча - 42,5 мең баш, 3 – ат үрчетү буенча - 120 баш, 1 – кәҗәчелек буенча - 180 баш һәм 1 – куянчылык буенча - 6 мең баш.

Шулай ук яшелчәчелек буенча 11 проект гамәлгә ашырылачак, 13 – җиләк-җимеш культуралары үстерү буенча, 8 – бөртекле һәм кузаклы культуралар җитештерү буенча.  

КӨН ҮЗӘГЕНДӘ

16 августның төп вакыйгалары - фото һәм сылтамалар

Рөстәм Миңнеханов бүген Теләчедә, Биектауда, Балык Бистәсендә булды, Самара өлкәсендә яңа мәчет ачылды.

Рөстәм Миңнеханов: Теләче районы гадәттәгечә урып-җыю барышында оешканлык күрсәтә

Татарстан Республикасы Президенты сүзләренчә, теләчелеләрнең уңыш күләмнәрен арттыру өчен резервлары җитәрлек.

Рөстәм Миңнеханов Казан авиация заводының алдынгы хезмәткәрләрен бүләкләде

«Республика һәрвакыт сезнең белән, без һәрвакытта да үзебездә җитештерелгән продукциягә өстенлек бирәчәкбез», - диде Татарстан Президенты.

Татарстан укучысы Кытайда халыкара математика олимпиадасында алтын медаль яулады

Олимпиадада Сингапур, Филиппин, Макао, Гонконг, Россия, АКШ, Канада, Бөекбритания һәм Австралия укучылары катнашты.

“Казан” гаилә үзәге янында Red Bull Air Race тамашачы зонасы тулысынча түләүле була

“Һавада Формула-1” болид очышларын Кремль яр буеннан түләүсез карап булачак.