Авыл

Марат Әхмәтов салкын майның җир эшләре өчен кулай булуын әйтте

“Май аеның салкын килүе вегетация чорын тоткарласа да, артык зыянлы түгел”, диде министр.
05.06 14:03

 (Казан, 5 июнь, “Татар-информ”, Чулпан Шакирова). Татарстанның авыл хуҗалыгы министры май аеның салкын килүе җир эшләре өчен кулай килүен әйтте. Бу хакта ул бүген Министрлар Кабинетында узган брифингта “Татар-информ” хәбәрчесенең соравына җавап биргәндә белдерде.

“Туфракта дым күләме уртача. Кышкы явым-төшемнәрнең туфракка файдасы зур булды. Язгы салкынча һава да дымны сакларга ярдәм итте. Бүген кич, иртәгә иртән яңгыр көтәбез. Республика территориясендә 8 мм га кадәр явым-төшем төшәргә тиеш”, – диде Марат Әхмәтов.

Шул ук вакытта министрның, фаразлар буенча, эссе җәйгә хафалануы да юк түгел.

“Июньнең икенче яртысы коры һәм эссе килә дип фаразлана. Көндез һава температурасы 30 градус һәм аннан да югарырак була дип кисәтәләр. Безгә бу вакытка кадәр профилактика эшләрен башкарып калырга кирәк. Әлегә кадәр җылы җитмәсә дә, культуралар матур тишелеп чыкты. Май ае җир эшләре өчен уңай килде. Дөрес, майның салкын килүе вегетацияне әзрәк тоткарлый. Күпьеллык үләннәрне җыю эше дә бер атнага соңга калды. Әмма куркыныч түгел. Җылы килер инде ул. Безгә җылы да кирәк. Үсемлекләрнең кәс белән капланып, дым саклавы өчен кирәк ул”, – диде Марат Әхмәтов.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.