Авыл

Марат Әхмәтов Кукмара районында басу-кырларның торышы белән танышты

Министр эш сәфәрендә вертолетта район авыл хуҗалыгы мәйданнарын карап узды.
05.06 22:00

(Кукмара, 5 июнь, "Татар-информ", "Хезмәт даны", Ризилә Корбанова). Бүген Кукмарага эш сәфәре белән Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Әхмәтов килде. Ул вертолет белән басу-кырларны әйләнеп узды һәм аларның торышы белән танышты. Кунакны район башлыгы Сергей Димитриев озата йөрде, дип яза kukmor-rt.ru сайты.

Аннан соң Марат Әхмәтов оешма-предприятие, хуҗалык җитәкчеләре һәм авыл җирлеге башлыклары белән очрашты, районда җитештерелгән продукцияләрдән оештырылган күргәзмә белән кызыксынды.

-Районның иген кырлары, мега фермалар югарыдан бик матур күренеп тора, - диде ул очрашуга килүчеләрне сәламләп. – Чәчү кампаниясен уңышлы гына башкарып чыктык. Шифалы яңгырлар да явып үтсә, басулар яшәреп, үсемлекләр күтәрелеп китәр иде. Хәзер төп эш - җитәрлек күләмдә терлек азыгы туплау. Бу сезнең кебек малларны күпләп асраучы районнар алдына тагын да зур бурыч куя.

Министр шулай ук районда авыл хуҗалыгына кагылышлы республика, федераль программаларның үтәлеше белән дә кызыксынды, хуҗалык җитәкчеләрен борчыган сорауларга җаваплар бирде.

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

Казанда FINA белән берлектә Спортның су төрләрен үстерү үзәге ачыла

Татарстан Спорт министрлыгында Татарстан Республикасы белән FINA Халыкара йөзү федерациясе арасында хезмәттәшлек турында килешү имзаланды.

Истанбулда төрки дөньяның социаль челтәре – “Төркитуй” эшли башлады

"Төркитуй" - бер тамырдан килүче, төрки телләрдә сөйләшүче халыкларның бер-берсе белән уңайлырак аралашулары өчен булдырылган.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.