Авыл

Әлмәт районы Бишмунча авылында терлекчеләр һәм игенчеләр ярышы узды

Җиңүчеләргә истәлекле бүләкләр һәм район Советы һәм башкарма комитеты Рәхмәт хатларын тапшырдылар.
06.06 04:00

(Әлмәт, 6 июнь, "Татар-информ", "Әлмәт таңнары"). Әлмәт районы Бишмунча авылының "Чулпан" хуҗалыгы бөтен район авыл хезмәтчәннәрен үзенә җыйды. Традиция буенча биредә 49 нчы тапкыр терлекчеләр һәм игенчеләр ярышы узды, дип яза җирле басма.

Бәйгедә барлыгы 16 хуҗалык катнашты. 20 савымчы, 16 механизатор, 11 ясалма орлыкландыру технологлары үзләренең иң алдынгы булуларын дәлилләде.

Авыл хуҗалыгы тармагында тир түгүчеләрнең хәзер иң мәшәкатьле чоры. Әмма шуңа да карамастан алар әлеге ярышка ныклы әзерлек белән килеп, үз эшләрендә мастер-класс бирде. Бу ярышны һәм җыенны кече сабантуй дисәк тә ялгыш булмас.

Соңгы елларда терлекчелек юнәлешендә алга китеш тә күзәтелә. Токарликов җәмгыятендә 1000 башка исәпләнгән зур сөт җитештерү комплексы ачылу күпләргә этәргеч бирде. Моны үз чыгышында район башлыгы Айрат Хәйруллин да билгеләп узды.

– Шәһәрнең байлыгы авыл кешеләрендә. Алар безне ашатучылар, киендерүчеләр, яшәтүчеләр. Сездәй фидакарьләр булганда киләчәк өметле дип әйтеп була. Авырлыкларга карамастан җир эшендә булганыгыз өчен чиксез рәхмәт сезгә, - диде ул.

Савымчылар бәйгесендә дә быел үзенчәлекле йөзләрне, уңган-булган авыл кызларын күреп булды. Араларында хәтта егет-савымчылар да бар иде.
Чара спорт ярышлары, җыр-биюләр белән үрелеп барды.

Җиңүчеләргә истәлекле бүләкләр һәм район Советы һәм башкарма комитеты Рәхмәт хатларын тапшырдылар.

Галерея

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Татарстанда «Бердәм Россия»нең кабул итү бүлмәсенә 10 елда 21 мең кеше мөрәҗәгать иткән

Бер генә сәяси партиядә дә халык белән мондый системалы эш оештырылмаган, диде Фәрит Мөхәммәтшин.

Кариев театрында ребрендинг: үзгәрешләр логотиптан башланып фойе һәм залларга да кагылачак

Яңа театр сезоны ачылыр алдыннан Кариев театры матбугат конференциясе үткәреп, үзенең алдагы планнары белән таныштырды.

Кариев театры премьералар парады вәгъдә итә

Кариев театры яңа сезонын 4 октябрьдә “Куян Эдвардның гаҗәеп сәяхәте” спектакле белән ача.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.