Авыл

Теләчедә терлек азыгы җыю техникасының яңа сезонга әзерлеген тикшерделәр

Беренче урынга 50 балл туплау мөмкинлегеннән 49 балл туплап, җаваплылыгы чикләнгән “Алан” ширкәте чыкты.
06.06 23:00

(Теләче, 6 июнь, “Татар–информ”, "Теләче", Фәнил Нигъмәтҗанов). Теләчедә терлек азыгы җыю техникасының яңа сезонга әзерлеген тикшерделәр, дип яза район газетасы.

Район авыл хуҗалыгы һәм азык-төлек идарәсе җитәкчесе Ралиф Низаметдинов рәислегендәге комиссия составында ТР Авыл хуҗалыгы һәм азык-төлек министрлыгының игенчелек бүлеге җитәкчесе урынбасары Фәргать Зиннәтов, авыл хуҗалыгын механикалаштыру бүлегенең әйдәп баручы белгече Илнур Гарипов, район авыл хуҗалыгы һәм азык-төлек идрәсе консультанты Илфар Баев, “Гостехнадзор” дәүләт инспекциясенең район бүлеге җитәкчесе Хәмит Нәзиров һәм җаваплылыгы чикләнгән “Игенче” ширкәтенең баш инженеры Рөстәм Шакирҗанов эшләде.

Үзара тикшерү барышында комиссия әгъзалары машина-трактор паркларының, терлек азыгы әзерләү комбайннарының, тагылма машиналарның торышына, аларның механизаторлар белән тәэмин ителешенә һәм машиналарга техник карау үткәрелү-үткәрелмәү фактларына зур игътибар бирделәр. Моннан тыш, комбайннарда ком, кошма, сәнәк, аптечка, яктылык кайтаручы куркынычсызлык жилетлары булырга тиешлеге шарт итеп куелды. Соңгысы яңа чыккан таләп. Төнлә эшләгәндә, юлда йөргәндә, аеруча юлда туктап торганда механизаторлар куркынычсызлык жилетларын кияргә бурычлы. Шулай ук комиссия әгъзалары игътибарыннан автоүлчәгечләрнең дә төзеклеге, сенаж базларының әзерлеге дә читтә калмады. Алар аеруча җаваплыклары чикләнгән “Алан”, “Таң” һәм “Игенче” ширкәтләрендә яхшы әзерлек белән күрсәтелде. Сенажны фәкать куәтле тракторлар гына таптарга һәм алар консервант сиптерү өчен махсус савыт белән җиһазландырылган булырга тиеш. Тикшерү барышында күренгәнчә, быел да районыбыз басуларында печән әзерләүдә КРН - 2,1, КДН - 2,4 маркалы печән чапкычлар , ГВК - 6 маркалы печән әйләндергечләр, ПРФ - 180 маркалы печән төргәкләү машиналары эшләячәк. Аларның да һәркайсы комиссия әгъзаларының ныклы тикшерүе аша узды. Үзара тикшерүдә хезмәтне саклау мәсьәләләренә дә зур игътибар бирелде. Бу очракта кеше гомере, кеше сәламәтлеге һәм аның кадере турында сүз бара. Шуңа да, беренче чиратта, хуҗалыкларда әлеге тармак буенча махсус белгеч, теркәү журналы, һәр механизатор белән инструктаж үткәрелгән булуы шарт итеп куелды.

Үземә җаваплылыгы чикләнгән “Агролак” ширкәте механизаторларының бер төрле киемдә һәм бердәм булып үзара тишерүгә килүләре ошады. Алар бернигә дә битараф түгел. Кәефләре күтәренке, эшлибез дип кенә торалар. “Печән өлгерергә атна-ун көн бар, шуңа кадәр кул астындагы техниканы тулаем әзерлек сызыгына бастырачакбыз. Кирәкле запас частьлар кайтты, “ - диделәр алар бертавыштан.

Азактан хуҗалыклардагы терек азыгы җыю техникасының яңа сезонга әзерлегенә бәя куелды. Беренче урынга 50 балл туплау мөмкинлегеннән 49 балл туплап, җаваплылыгы чикләнгән “Алан” ширкәте чыкты. Икенче һәм өченче урыннарда җаваплыклары чикләнгән “Игенче”(48 балл) һәм “Агролак”(47 балл) ширкәтләре диелгән район хәбәрендә.

 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.