Дин

Мәскәү мөфтие Казан эшмәкәрләрен Forbes исемлегендә күрергә теләвен әйтте

Казанның яшь эшмәкәрләре Мәскәү Җәмигъ мәчете имамы Илдар хәзрәт Аляутдинов белән очрашты.
06.06 15:29

(Мәскәү, 6 июнь, "Татар-информ", Римма Гомәрова). Казанның "Бизнес Урда" яшь татар эшмәкәрләре клубы Мәскәү Җәмигъ мәчете имамы Илдар хәзрәт Аляутдинов белән очрашты.

Очрашу татар эшмәкәрләренең Мәскәүгә сәяхәте кысаларында уза. Сәяхәт идеясы авторы — "Бизнес Урда" резиденты, яшь эшмәкәр Илнур Сәмигуллин.

Ике көн дәвам иткән сәфәр Мәскәүнең Җәмигъ мәчетендә башланып китте. Тарихчы Марат Сәфәров Казан кунакларын мәчетнең архитектурасы, төзелү тарихы белән таныштырды. Аның әйтүенчә, Мәскәүдә Казан кирмәнендәге Сөембикә манарасының ике күчермәсе бар: берсе — Җәмигъ мәчете архитектурасында, икенчесе исә Казан вокзалы фасадында. Тарихчы кунакларга Ислам тарихы музеенда көмеш платиналарга күчерелгән Коръән, Мәккәдән китерелгән каббә кисвәсе, һәм башка тарихи экспонатларны күрсәтте, гарәп әлифбасының "Казан басмасы" үзенчәлекләрен аңлатты.

Бу очрашуның икенче өлеше мәчетнең конференцияләр залында узды — яшь эшмәкәрләр Мәскәү мөфтие, Җәмигъ мәчете имамы Илдар хәзрәт Аляутдинов белән очрашты. Яшьләргә нәсыйхәт укудан тыш, имам эшмәкәрләрнең дини кыйммәтләргә булган ихтирамын хуплады: "Киләчәктә сезнең исемнәрне Forbes исемлегендә күреп, куанырга язсын", дип рухландырды, яшь эшмәкәрләрнең сорауларына җавап бирде.

Очрашу ахырында эшлекле сәфәрне оештыруда күрсәткән ярдәме өчен Рәсәй мөфтиләр шурасының яшьләр белән эшләү бүлеге җитәкчесе Исмәгыйль Гиндуллинга "Бизнес Урда" клубы исеменнән рәхмәт хаты тапшырылды. Казан эшмәкәрләренең сәфәре Мәскәүдәге сәфәре ике көн дәвам итте. Мәскәүдәге татар эшмәкәрләре белән очрашудан тыш, казанлылар "Яндекс" офисында, "Рамазан" чатырында кунакта булды. 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.