Спорт

Сабан туйларында 7 меңнән артык көрәшче катнаша

Хәзер республика ярышларына гына да, сайлап алганнан соң да, 500 дән артык көрәшче килә, ди спорт министры урынбасары.
06.06 16:05

(Казан, 6 июнь, “Татар-информ”, Динә Йосыпова). Сабан туйларында барлыгы 7 меңнән артык көрәшче катнаша. Хәзер республика ярышларына гына да, сайлап алганнан соң да, 500 дән артык көрәшче килә, диде спорт министрының беренче урынбасары Хәлил Шәйхетдинов “Татар-информ” мәгълүмат агентлыгында үткән матбугат конференциясендә.

“Сабан туйларының үзәгендә – безнең милли көрәш. Соңгы елларда безнең көрәшебез Татарстан күләмендә генә түгел, Россия төбәкләре күләмендә дә үсә. Сабан туйда үз авылында, үз районында, шәһәрдә батыр калган егетләребез зур шәхес буларак ихтирамга лаеклы. Үз авылларында батыр калган егетләр киләсе Сабан туйга хәтле авылның йөзе булып торалар. Ярышларга килгәндә, безнең анда менә 7000 артык көрәшче катнаша, чөнки безнең хәзер республика ярышларына гына да, сайлап алганнан соң да, 500 дән артык көрәшче килә. Көрәшчеләребез бик күп. Моңа этәргеч булып спорт мәктәпләрендә көрәш секцияләре булу да тора. Мин инде Сабан туйларга кайткач безнең яшел, кызыл футболка кигән егетләрне күрәм. Алар инде районның җыелма командаларына кергән егетләр. Ярышларда катнашкан егетләр икәне күренеп тора. Безнең Мингәр авылында үтә торган Сабан туенда узган елны дөнья кубогы үткәрелде, быел инде безнең көрәш буенча дөнья чемпионаты үткәреләчәк. Анда безнең 42 илдән 200 дән артык көрәшче килүе көтелә. Беренче тапкыр монда Германия, Латвия, Америка вәкилләре дә чыгыш ясаячак. Көрәшләр 7 үлчәү категориясендә булачак. 65, 70, 75, 80, 85, 100 һәм 130 килограммга кадәр. Безнең Россия җыелма командасында Татарстан көрәшчеләре дә чыгыш ясаячак. Менә шундый кызыклы Сабан туйлар белән бергә дөнья беренчелекләре дә көтелә”, - диде Хәлил Шәйхетдинов.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.