Фән һәм мәгариф

Казанда “Тоталь диктант”ны оештыручыларны һәм “биш”ле билгесенә язучыларны бүләкләделәр

“Татар-информ” агентлыгын Татарстан Яшьләр эшләре һәм спорт министрлыгы, Татарстан Мәгариф һәм фән министрлыгы Рәхмәт хатлары белән бүләкләде.
06.06 20:22

(Казан, 6 июнь, “Татар-информ”). Бүген Министрлар Кабинетында республика вице-премьеры Ләйлә Фазлыева “Тоталь диктант”ны оештыручылар һәм “биш”ле билгесенә язучылар белән очрашты. Татарстан Яшьләр эшләре һәм спорт министрлыгы, Татарстан Мәгариф һәм фән министрлыгы Рәхмәт хатларын тапшырды.

“Тоталь диктант – ул мәгариф акциясе. Беренчедән, бу - Россиядә, дөньяда тел мәсьәләләренә игътибар юнәлтә торган чара. Ел саен “Тоталь диктант” та катнашучылар саны арту куандыра”, - диде Ләйлә Фазлыева.

Встреча с отличниками и организаторами

  • Рус теленнән халыкара диктантның текст авторы Россия язучысы, “Большая книга” һәм “Ясная поляна” әдәби премияләре лауреаты Гүзәл Яхина булды.

Встреча с отличниками и организаторами

Казанның Рус милли-мәдәни берләшмәсе җитәкчесе Ирина Александровская акция бөтен дөньяда 14 апрельдә узды, дип әйтте. “Быел Казан “Тоталь диктант” башкаласы булу өчен көрәште, әмма Владивосток җиңде. Киләсе елда Казан беренче булсын өчен тырышачакбыз”, - диде ул.

Встреча с отличниками и организаторами "Тотального диктанта 2018"

Ирина Александровская быел татарстанлыларның 4 проценты, ә 2016 елда 2,5 проценты диктантны “биш”ле билгесенә язганын әйтте. “Акциядә катнашучыларның 70 проценты 30 яшькә кадәрге кешеләр”, - диде ул.

  • Быел Татарстанда 4 меңнән артык кеше диктант язды. Узган ел бу акциядә 3 512 кеше, 2016 елда 2 502 кеше катнашкан иде.

“Бу, беренче чиратта, җәмгыяви проект. Икенчедән, рус теленә, бер-береңә мәхәббәт, битараф булмау турында", - диде РФ Президенты каршындагы Рус теле буенча совет әгъзасы Ольга Ребковец.

Аның сүзләренчә, 30 меңнән артык кеше онлайн-режимда “Тоталь диктант" яза. Шулай ук Казаннан да туры трансляция ясау мөмкинлеге бар. Моның өчен Казан киләсе елда “Тоталь диктант” башкаласы булырга тиеш”, - дип тәмамлады сүзен Ребковец.

Встреча с отличниками и организаторами

“Татар-информ” мәгълүмат агентлыгы, Казан (Идел буе) федераль университеты, “Дом книги” китап кибетләре челтәре, “Татарстанда мәдәниятләр һәм диалоглар үзәге” иҗтимагый оешмасы, “Тоталь диктант-2018” акциясенең Филологлар һәм рус теле укытучылары советы, Гүзәл Яхина һәм Ольга Ребковец Татарстан Яшьләр эшләре һәм спорт министрлыгы, Татарстан Мәгариф һәм фән министрлыгы Рәхмәт хатлары белән бүләкләнде.

Встреча с отличниками и организаторами

Моннан тыш, “Республика Татарстан” газетасының мәгариф бүлеге мөхәррире Евгения Чеснокова Рәхмәт хаты алды. Шулай ук “Татарстанның иң актив муниципаль берәмлеге” номинациясендә җиңүчесе Чаллы шәһәрен билгеләп үттеләр.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.