Спорт

Сабалылар йөзү буенча Татарстан Республикасы беренчелегеннән 8 медаль алып кайтты

Бу – районның яшь спортчыларының иң зур җиңүләре.
07.06 04:00

(Саба, 7 июнь, "Татар-информ",  "Саба таңнары", Фәридә Вилданова). Шушы көннәрдә Минзәләдә йөзү буенча Татарстан Республикасы беренчелеге узды, анда 15 районнан барлыгы 152 спортчы катнашты. Чемпионат 13-15 яшьлек малайлар, 11-13 яшьлек кызлар арасында ике көн дәвам итеп, яшь спортчылар йөзүнең аерым төрләре буенча төрле дистанцияләрдә көч сынаштылар, дип яза район газетасы.

Районның балалар һәм яшүсмерләр спорт мәктәбенең йөзү түгәрәгенә йөрүче җиде укучы әлеге бәйгедә катнашып, 4 алтын, 4 бронза медаль яулап кайттылар.

Аерым алганда, Әмир Рафыйков 50, 100, 200 метрлы дистанциядә брасс стилендәге йөзүдә 1 урын, 200 метры араны комплекслы йөзү стилендә 3 урын алуга иреште. Нур Шәйхетдинов 200 метр дистанциядә комплекслы йөзү стилендә 1 урын, 400 метрда ( ирекле стиль) – 3 урын, 50, 100 метр дистанцияләрдә (баттерфляй стиле) 3 урын яулады. Бу – районның яшь спортчыларының иң зур җиңүләре.

"Йөзү иң авыр спорт төрләренең берсе. Елдан-ел бассейнга йөрүчеләр, йөзүнең файдасын аңлаучылар арта. Бу җиңү балаларның алты ел дәвамында куелган тырышлыкларының, чыдамлылыкларының нәтиҗәсе. Шулай ук җиңүнең нигезенә укучыларның уку белән бергә спортны дөрес бәйләве, әти-әниләрнең теләктәшлеге, тренерның тырышлыгы салынган. Укучыларым белән бик горурланам. Районда бөтен шартларны булдырган район башлыгы Рәис Миңнехановка, укучыларга ярышларда катнашу мөмкинлеге биргән балалар һәм яшүсмерләр спорт мәктәбе директоры Рифат Хисамовка зур рәхмәтемне әйтәсем килә. Укучылар моннан соң да уңышлары белән куандырырлар, районыбыз тарихын яңа җиңүләр белән баетырлар", – ди тренер Гөлназ Сафина.

 

КӨН ҮЗӘГЕНДӘ

24 июньнең төп вакыйгалары - фото һәм сылтамалар

Эмиль Гарипов Бирәзә Сабан туена Гагарин кубогын алып кайтты, күн мозаика буенча мастер-класс үтте, Урта Бирәзәдә Раил Нургалиев абсолют батыр калды.

"Каннга барып җиткән беренче татар" катнашында эшләнгән фильм Казан фестивалендә күрсәтелә

Айдар Шәрипов катнашында төшерелгән «Ласковое безразличие мира» фильмы 71нче халыкара Канн фестиваленең «Особый взгляд» программасында катнашкан иде.

Театр сабан туеның баш батыры - Кариев театры артисты Илдар Әхмәдуллин

Бүген Əтнә районының Каенсар урманында XI Театраль сабантуй үтте.

Урта Бирәзә авылында Теләчедән Раил Нургалиев абсолют батыр калды

Көрәшчегә "Лада-Гранта" автомобиле белән тәкә бүләк ителде.

Колумбия-Польша матчы вакытында 25 градуска якын эссе булачак

Гидрометүзәк, югары температураның кеше организмы өчен куркыныч булырга мөмкин икәне турында кисәтә.