Дин

Татарстанда “Чаллы Яр” мәчете төзиләр

Мәчет Казан-Уфа трассасының Орлов боҗрасы районында төзеләчәк һәм мосафирларга хезмәт күрсәтәчәк.
07.06 08:36

(Казан, 7 июнь, "Татар-информ"). Изге Рамазан ае алдыннан Чаллыда 15 нче мөселман гыйбадәтханәсе – “Чаллы Яр” мәхәлләсе мәчете төзелә башлады, дип хәбәр итте Татарстан мөселманнары Диния нәзарәте матбугат хезмәте.

Мәчет Казан-Уфа трассасының Орлов боҗрасы районында төзеләчәк һәм мосафирларга хезмәт күрсәтәчәк. Шулай ук якында гына “Притяжение" бистәсе дә урнашкан.

Мәхәллә имам-хатыйбы Илдар хәзрәт Зияров белдерүенчә (мәчет төзелеше аның җитәкчелегендә һәм финанс ярдәмендә алып барыла), ошбу гыйбадәтханә 210 кешегә исәпләнелгән, аның 21 метрлы манарасы юлчыларны ерактан ук үзенә дәшеп торачак. Мәчет бинасында ирләр һәм хатын-кызлар өчен намаз заллары, уку классы, имам, мөгаллим өчен эш бүлмәләре, иркен тәһарәтханәләр булдыру каралган. Ә территориядә хәләл кафе төзү ният ителә, диелгән әлеге хәбәрдә.

6 июньдә Чаллы имамнары имам-мөхтәсиб Әлфәс хәзрәт Гайфулла җитәкчелегендә “Чаллы Яр” мәчете төзелеше белән танышканнар. Аның барышында мәчетнең уңышлы төзелүен теләп Коръән укылды, дога кылганнар. Имамнар өйлә намазын да биредә укыган.

Соңыннан Ураза гаетенә әзерлек, мәчетләр каршында балаларның җәйге ялын оештыру мәсьәләләре буенча зур булмаган киңәшмә булган.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.