Авыл

Республиканың баш ветеринары мал табибларына терлек азыгы әзерләү чорында бурычлар куйды

"Мал азыгы сыйфаты әзерләү чорында, аның сыйфаты  мал табибларыннан башка берәүгә дә кирәкми", - ди баш ветеринар.
07.06 11:48

(Буа, 7 июнь, "Татар-информ", Чулпан Шакирова). ТР Министрлар Кабинеты каршындагы Баш ветеринария идарәсе җитәкчесе Алмаз Хисаметдинов мал табиблары һәм районның ветеринария  лабораториясе табибларына үз районнары башлыклары белән киңәшмә уздырырга, хуҗалык җитәкчәләренә, терлек азыгы әзерләү чорында, ярдәм кулы сузу бурычы куйды.

  • Бу хакта ул бүген Буада узган район ветеринария лабораторияләренең терлек азыгы әзерләү вакытында эшчәнлегенә багышланган  республика семинарында әйтте.

"Район башлыклары белән киңәшмә үткәрегез. Хуҗалык җитәкчеләренә чыгыгыз. Сыйфатлы терлек азыгы әзерләү буенча киңәшләр, күрсәтмәләр бирегез.  Күпләр белми, кемнәрдер оныткан. Бүген сезгә таратылган яңа кулланма әсбапта барысы да тәфсилләп язылган. Өйрәтегез", - диде баш ветеринар.

Алмаз Хисаметдинов сүзләренчә, терлек азыгы әзерләү чорында азыкның сыйфаты бары тик ветеринарларга гына кирәк.

"Сезнең һәрберегезнең кул астында машинасы бар. Күчмә бригадалар оештырыгыз. Сыйфатсыз азык әзерләргә юл куймагыз. Дымлылык, таптату буенча киңәшләрегезне бирегез. Сез бу чорда хуҗалык җитәкчеләренең уң кулы да, иң сөймәгән кешесенә дә әйләнергә тиешсез", - диде.

Республиканың баш ветеринары күләм артыннан куып, сыйфат аксарга тиеш түгел дип саный.

"Сенаж базларын тутырабыз, печән кибәннәре куябыз да - эш бетте. Сыйфат турында уйлау юк. Соңыннан, проба ала башлагач, берни эшләп тә булмый, соң. Безнең бурыч - терлек азыгы әзерләү чорында,  азык сыйфатын 50 %ка гына яхшырта алсак та, зур эш бу. Тагын бер тапкыр әйтәм, мал сәламәтлеге азык сыйфатыннан тора", - диде Алмаз Хисаметдинов.

  • Терлек азыгы әзерләү чорында ветеринарларның еллык семинар эшендә  Буа районы башлыгы Җәббаров, шәһәрнең башка тармак җитәкчеләре,  Татарстанның 43 районыннан килгән баш ветеринария табиблары һәм ветеринария лабораториясе җитәкчеләре катнаша. 

КӨН ҮЗӘГЕНДӘ

24 июньнең төп вакыйгалары - фото һәм сылтамалар

Эмиль Гарипов Бирәзә Сабан туена Гагарин кубогын алып кайтты, күн мозаика буенча мастер-класс үтте, Урта Бирәзәдә Раил Нургалиев абсолют батыр калды.

"Каннга барып җиткән беренче татар" катнашында эшләнгән фильм Казан фестивалендә күрсәтелә

Айдар Шәрипов катнашында төшерелгән «Ласковое безразличие мира» фильмы 71нче халыкара Канн фестиваленең «Особый взгляд» программасында катнашкан иде.

Театр сабан туеның баш батыры - Кариев театры артисты Илдар Әхмәдуллин

Бүген Əтнә районының Каенсар урманында XI Театраль сабантуй үтте.

Урта Бирәзә авылында Теләчедән Раил Нургалиев абсолют батыр калды

Көрәшчегә "Лада-Гранта" автомобиле белән тәкә бүләк ителде.

Колумбия-Польша матчы вакытында 25 градуска якын эссе булачак

Гидрометүзәк, югары температураның кеше организмы өчен куркыныч булырга мөмкин икәне турында кисәтә.