Авыл

Татарстанда дүрт район ветеринария лабораториясенең лицензиясе юк

Болар -  Азнакай, Яңа Чишмә, Спас, Балык Бистәсе район ветеринария лабораторияләре.
07.06 12:12

(Буа, 7 июнь, "Татар-информ", Чулпан Шакирова). Татарстанның дүрт районында урнашкан ветеринария лабораториясенең лицензиясе юк.  Бу хакта бүген Буада узган район ветеринария лабораторияләренең терлек азыгы әзерләү вакытында эшчәнлегенә багышланган  республика семинарында билгеле булды.

ТР "Республика ветеринария лабораториясе" дәүләт бюджет учреждениесе директоры Марс Вәлиев төп докладында: "Бүген республикада 39 ветеринария лабораториясе бар. 20 лабораториянең II-IV төркем патогенлык микроорганизмнары белән эшләүгә лицензиясе бар. Шуның 15е кимчелекләрсез эшли", - дип хисап тотты. Ул һаман да "дәүләт учреждение"се статусыннан "дәүләт бюджет учреждениесе" статусына күчмәгән район ветеринария лабораторияләренә шелтә белдерде. Болар: Минзәлә, Буа, Тукай, Мөслим, Апас районнары.
"Мөслим һәм Апас район ветеринария лабораторияләре Роспотребнадзорның санитар-эпидемия белешмәсенә ия", - диде Марс Вәлиев.

Ул республиканың тагын 15 лабораториясе III-IV төркем патогенлык микроорганизмнары белән эшләү хокукына ия булуын әйтте.

"Әлеге 15 район лабораториясенең 6сында Роспотребнадзорның санитар-эпидемиологик белешмәсе юк. 4 район лабораториясе - Азнакай,  Яңа Чишмә, Спас, Балык Бистәсе район ветеринария лабораторияләренең бүгенге көндә лицензиясе юк", - диде ТР "Республика ветеринария лабораториясе" дәүләт бюджет учреждениесе директоры Марс Вәлиев.

  • Район ветеринария лабораторияләренең терлек азыгы әзерләү вакытында эшчәнлегенә багышланган  республика семинарында Татарстан республикасы Министрлар Кабинеты каршындагы Баш ветеринария идарәсе җитәкчесе Алмаз Хисаметдинов, Буа районы җитәкчелеге, Татарстанның 43 районыннан килгән баш ветеринария табиблары һәм ветеринария лабораториясе җитәкчеләре катнаша.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.