Сәясәт

Путин Латвиядә рус телендә укуны тыю турында: Евросоюзга оят булыр дип өметләнәбез

Россиядә ватандашларның хокукларын аларның хәлен кискенләштермәслек итеп якларга кирәк, дип билгеләп үтте Россия Президенты.
07.06 15:00

(Казан, 7 июнь, «Татар-информ»). Латвиядә рус телендә укуны тыю кеше хокукларын тупас рәвештә бозу, моның өчен Евросоюзга оят булырга тиеш. Бу хакта Россия Президенты Владимир Путин “Туры элемтә” барышында белдерде.

Теләсә нинди санкция кертү проблеманы хәл итүдә ярдәм итми, ә киресенчә, аны кискенләштерә генә. Балтыйк буенда яшәүче ватандашларыбызның хәленә килгәндә, без бу хакта һәрвакыт сөйлибез, диде президент.

“Цивилизацион җәмгыятьтә “негражданнар” булып игълан ителүне күз алдына китерүе дә авыр, ләкин андый категория юк бит. Мондый категория Балтыйк буе дәүләтләрендә уйлап чыгарылган, бу шушы территориядә яшәгән халыкларның закон хокукларын чикләү өчен эшләнә”, - дип белдерде Путин.

Безнең ватандашларны саклау чаралары аларның хәлен кискенләштермәскә тиеш. “Шуңа күрә без Евросоюздагы партнерларыбыз белән сөйләшүләр алып барабыз. Кеше хокукларын шулай тупас бозган өчен аларга оят булыр дип өметләнәбез”, - дип йомгаклады ул.

  • Владимир Путин белән “Туры элемтә” 16 тапкыр уза. Дәүләт башлыгының “халык белән интервью” форматы беренче тапкыр 2001 елның декабрендә булды. Туры эфир башланганчы Хәбәрләрне эшкәртү үзәгенә 1,9 миллионнан артык сорау килгән.

КӨН ҮЗӘГЕНДӘ

16 августның төп вакыйгалары - фото һәм сылтамалар

Рөстәм Миңнеханов бүген Теләчедә, Биектауда, Балык Бистәсендә булды, Самара өлкәсендә яңа мәчет ачылды.

Рөстәм Миңнеханов: Теләче районы гадәттәгечә урып-җыю барышында оешканлык күрсәтә

Татарстан Республикасы Президенты сүзләренчә, теләчелеләрнең уңыш күләмнәрен арттыру өчен резервлары җитәрлек.

Рөстәм Миңнеханов Казан авиация заводының алдынгы хезмәткәрләрен бүләкләде

«Республика һәрвакыт сезнең белән, без һәрвакытта да үзебездә җитештерелгән продукциягә өстенлек бирәчәкбез», - диде Татарстан Президенты.

Татарстан укучысы Кытайда халыкара математика олимпиадасында алтын медаль яулады

Олимпиадада Сингапур, Филиппин, Макао, Гонконг, Россия, АКШ, Канада, Бөекбритания һәм Австралия укучылары катнашты.

“Казан” гаилә үзәге янында Red Bull Air Race тамашачы зонасы тулысынча түләүле була

“Һавада Формула-1” болид очышларын Кремль яр буеннан түләүсез карап булачак.