Дин

Әлки районының Татар Мулла авылында дүрт фермер авыл халкы өчен ифтар ашы үткәрделәр

Татар Мулла авылы фермерлары мәчеттә ифтар ашы үткәрделәр.
07.06 22:00

 (Әлки, 7 июнь, "Татар-информ", "Әлки хәбәрләре"). Әлки районының зур булмаган Татар Мулла авылында дүрт крестьян-фермер хуҗалыгы эшли. Фермерлар авыл тормышында бик актив катнашалар. Урам-тыкрыкларны, зират тирәләрен төзек, чиста тотуда зур булышлык күрсәтәләр. Төрле чаралар, өмәләр үткәргәндә башлап йөриләр, дип яза җирле басма.

Менә яңарак кына алар авылда яшәүче барлык халыкны чакырып ифтар мәҗлесе үткәрделәр. Анда район имам-мөхтәсибе Ирек хәзрәт Сәләхиев һәм аның урынбасары Разик хәзрәт Абдуллин да килгәннәр иде. Алар халыкка вәгазь сөйләделәр, Коръән аятьләре укыдылар. Иске Алпар авыл җирлеге башлыгы Ринас Сәлахов мәҗлескә җыелучыларны Изге Рамазан белән тәбрикләде, тоткан уразаларының кабул булуын теләде.

Ифтарда 70 кә якын кеше катнашты. Алар мул табыннар белән мондый мәҗлес үткәргән өчен фермерлар Фәрит Гыйматдиновка, Рамил Гыйматдиновка, Рәфис Әсәдуллинга, Тәлгать Фәттаховка ихлас рәхмәтләрен җиткерделәр.

 

КӨН ҮЗӘГЕНДӘ

Милли телләр буенча закон проектын эшләп бетерү һәм үзгәрешләр кертүгә 30 көн вакыт бар

Дәүләт Думасында икенче укылышка төбәкләр фикере кабул ителергә һәм исәпкә кертелергә тиеш.

Р.Миңнеханов: Татарстанны PAX Technology Limited белән хезмәттәшлек кызыксындыра

Татарстан Кытай партнерлары белән эшлекле багланышларны үстерүгә җитди игътибар бирә.

ТР Президенты Иран Тулы вәкаләтле вәкилен иктисади элемтәләрне көчәйтергә чакырды

Бүген Рөстәм Миңнеханов Иран Ислам Республикасының Россиядәге Гадәттән тыш һәм Тулы вәкаләтле вәкиле Мехди Санаи белән очрашты.

Республикада дару һәм медицина техникасы белән бердәнбер оешма тәэмин итәчәк - С.Захарова

Дәүләт контрактлары буенча "Татарстан медицина техникасы һәм фармациясе" учреждениесе эшләячәк.