Сәясәт

Россия якын арада гына Сириядән гаскәрләрне чыгарырга җыенмый

Путин хәрби көчләрне сугыш шартларында куллануны уникаль тәҗрибә дип атады.
07.06 16:43

(Казан, 7 июнь, “Татар-информ”). Хәзерге вакытта Россиянең Сириядән гаскәрләрне чыгару планы юк. Бу хакта Россия Президенты Владимир Путин "туры элемтә" барышында белдерде.

Аның сүзләренчә, хәрби көчләрне сугыш шартларында куллану уникаль тәҗрибә булуын истән чыгармаска кирәк һәм аларны хәрби шартларда камилләштерүне бернинди өйрәнүләр белән дә чагыштырып булмый. Сүз дә юк, бу кешеләрне югалту белән бәйле, бу хакта Россия бервакытта да онытмаячак, чөнки ул чынлап торып изге бурыч, дип билгеләп үтте дәүләт башлыгы.

Россия тарафыннан башкарылган хәрби эш Сириядәге вазгыятьне тотрыклыландыруга ярдәм итте. “Бүген аларның армиясе һәм дәүләте ил халкының 90 проценттан артыгы яшәгән мәйданны контрольдә тота”, - диде Путин.

Россия гаскәрләре әлеге территорияләрдә Россиягә кулай булган вакытка кадәр һәм халыкара йөкләмәләрне үтәү өчен кирәк булганга кадәр торачак, диде ул.

Россия Президенты Владимир Путин  белән "туры элемтә" 16нчы тапкыр уза. Беренче тапкыр “халык интервьюсы” дәүләт башлыгы белән шундый форматта 2001 елның декабрендә узды. Туры эфир башланган вакытка Хәбәрләрне эшкәртү үзәгенә 1,9 млнан артык сорау кергән.
 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Кариев театры премьералар парады вәгъдә итә

Кариев театры яңа сезонын 4 октябрьдә “Куян Эдвардның гаҗәеп сәяхәте” спектакле белән ача.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.