Икътисад

2019 елның 1 июленнән өлешчеләр белән төзелеш турында килешүләр төзү туктатыла

Төзүчеләр акчаны банклар аша гына ала алачак.
07.06 17:52

(Казан, 7 июнь, “Татар-информ”). Россия Хөкүмәте 2019 елның 1 июленнән гражданнар белән өлешләп төзү турында килешүләр төзүне туктату карарын кабул итте һәм торак төзелешенә акчаны бары банклар аша гына алып булачак, дип җиткергән Россия Президенты Владимир Путин. Бу хакта INTERFAX.RU хәбәр итә.

“Без, ниһаять, кешеләрдән акча алмыйча, торак төзелешен заманча ысуллар белән башкарырга тиешбез”, - диде Путин пәнҗешәмбе көнне "туры элемтә"дә, алданган өлешчеләр соравына җавап биргәндә.

Шул ук вакытта президент “әгәр дә без хәзер кешеләрдән акча алуны киметү юнәлешендә кискен адымнар ясасак, ул вакытта берничә проблема белән очрашачакбыз. Бу - кешеләрдә ризасызлыкны күбрәк тудырачак, чөнки башланганны төзеп бетереп булмаячак һәм, тулаем төзелеш күләме кимиячәк”, диде.

“Шуңа күрә 2019 елның 1 июленнән гражданнар белән өлешләп төзү буенча килешүләр төзүне туктату карары кабул ителде һәм торак төзелешенә акчаны бары банклар аша гына алып булачак”, - диде Путин.

Президент белән видеоэлемтә аша аралашкан Төзелеш, архитектура һәм торак-коммуналь хуҗалыгы министры Владимир Якушев, үз чиратында, законга тиешле төзәтмәләр Дәүләт Думасы тарафыннан 27 июньдә кабул ителергә тиешлеген җиткерде.

Ул яңа механизмның “өлешчеләр акчасын куллануны, әмма шул ук вакытта максималь рәвештә саклауны, бүгенге көндә булган бернинди пирамидалар төземәүне” рөхсәт итүен аңлатты.

“Бу төзелеш базарын чистартырга һәм 120 млн квадрат метрлы торак төзү (елына – ИФ) максатын тормышка ашыра башлауга тотыну мөмкинлеген бирәчәк”, - дип билгеләп үтте Якушев.

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.