Авыл

Татарстанның баш ветеринары сөттә антибиотик аз табылган районнарны шелтәләде

“Бу – лаборатория хезмәткәрләренең эшләп бетермәве”, - диде Алмаз Хисаметдинов.
08.06 07:21

(Буа, 8 июнь, “Татар-информ”, Чулпан Шакирова). Татарстанның баш ветеринары Алмаз Хисаметдинов кичә, Буада узган күчмә семинарда, сөтне антибиотикка тикшереп, санаулы гына пробаларның уңай булуына, ягъни кайбер районнарда аз күләмле антибиотик табылуга карата шелтә белдерде.

  • 2018 елның биш аенда республика ветеринария лабораторияләрендә “Форсенсор” җайланмасы белән сөттәге антибиотик тикшерелгән.

Бу турыда “Республика ветеринария лабораториясе” директоры Марс Вәлиев хисап тотты.

“Республика буенча 29 пробада сөттә антибиотик булуы ачыкланды. Әйтик, Сарман һәм Лаешта, Республика ветеринария лабораториясендә антибиотикның – 4, Мамадыш, Түбән Кама, Теләчедә – 3, Әлмәт, Биектауда – 2, Әлки, Кайбыч, Питрәч, Бөгелмә районнарында берәр очрагы табылды”, – диде Марс Вәлиев.

"Республика ветеринария лабораториясе" директорын бүлдереп, Баш ветеринария идарәсе җитәкчесе Алмаз Хисаметдинов сүз алды.
“Ничек инде биш ай эчендә бер генә антибиотик очрагы табыла? Бу – лаборатория хезмәткәрләренең эшләп бетермәве. Айга бер генә тикшерелсә дә, алай була алмый. Без барыбыз да мал табиблары булып эшләгән кешеләр, пробаны үз хуҗалыгыгыздагы иң яхшы сыердан алып, нәтиҗәләр чыгармагыз. Антибиотик мәсьәләсе белән шаярырга ярамый”, – дип кисәтү белдерде.

Семинар тәмамлангач, Алмаз Хисаметдинов, “Татар-информ”га республика сыерларының сөтендә табылучы антибиотик вазгыятенә карашын белдерде.

“Сөттә антибиотик табылу элек моның кадәр кискен тормый иде. Бүген ул чыннан да җитди проблемага әйләнә бара. Тапшырыла торган сөткә таләпләр артты. Бу – лейкоз мәсьәләсе булсынмы, сөтнең чисталыгымы, анда булган микроблармы, шулай ук сөт составында булган антибиотикны да күздән ычкындырырга ярамый. Хәзер җитештерүчеләр сыйфатлы сөт кенә кабул итә. Шуның өстенә әле аның бүген бәясе дә төште. Шуңа күрә сөтнең сыйфатына игътибар бирергә тиешбез. “Антибиотик табылу” дигән проблема белән җитештерүчеләр еш очраша. Әмма район ветеринария хезмәте, лабораторияләр чагыштырмача аз таба. Шуңа күрә бүген бу мәсьәләдә кайбер районнарны шактый гына шелтәләдек. Антибиотикка зур игътибар бирергә кирәк. Чөнки мондый чималдан сыйфатлы продукт ясап булмый”, – диде Татарстанның баш ветеринары.
 

КӨН ҮЗӘГЕНДӘ

24 июньнең төп вакыйгалары - фото һәм сылтамалар

Эмиль Гарипов Бирәзә Сабан туена Гагарин кубогын алып кайтты, күн мозаика буенча мастер-класс үтте, Урта Бирәзәдә Раил Нургалиев абсолют батыр калды.

"Каннга барып җиткән беренче татар" катнашында эшләнгән фильм Казан фестивалендә күрсәтелә

Айдар Шәрипов катнашында төшерелгән «Ласковое безразличие мира» фильмы 71нче халыкара Канн фестиваленең «Особый взгляд» программасында катнашкан иде.

Театр сабан туеның баш батыры - Кариев театры артисты Илдар Әхмәдуллин

Бүген Əтнә районының Каенсар урманында XI Театраль сабантуй үтте.

Урта Бирәзә авылында Теләчедән Раил Нургалиев абсолют батыр калды

Көрәшчегә "Лада-Гранта" автомобиле белән тәкә бүләк ителде.

Колумбия-Польша матчы вакытында 25 градуска якын эссе булачак

Гидрометүзәк, югары температураның кеше организмы өчен куркыныч булырга мөмкин икәне турында кисәтә.