Рәсми Татарстан

Эльмира Зарипова татарстанлыларны Социаль хезмәткәрләр көне белән тәбрикләде

Ел саен республикада 180 меңнән артык кешегә социаль хезмәт ярдәме күрсәтелә.
08.06 09:35

(Казан, 8 июнь, “Татар-информ”). Татарстанның Хезмәт, мәшгульлек һәм социаль яклау министры Эльмира Зарипова республиканың социаль хезмәткәрләрен һөнәри бәйрәмнәре белән тәбрикләде. Бу хакта министрлыкның матбугат хезмәте хәбәр итә.

Ул социаль тармак хезмәткәрләренә һәм ветераннарына авыр, җәмгыятькә кирәкле хезмәтләре, аларның кайгыртуы астында булган кешеләрнең язмышларына игътибарлы һәм сизгер карашта булганнары өчен рәхмәтен белдерде.

Татарстан Республикасының Социаль тармак хезмәткәрләре игътибарында ветераннар һәм инвалидлар, күп балалалы һәм аз керемле гаиләләр, балалар, өлкән яшьтәге кешеләр, дип билгеләп үтте Эльмира Зарипова.

Министр сүзләренчә, ел саен республикада 180 меңнән артык кешегә социаль хезмәт ярдәме күрсәтелә. Республиканың якынча 1,7 миллион кешесе федераль һәм республика ярдәмен ала.

“Сезгә чын йөрәктән бәхет, сәламәтлек, иминлек, чиксез энергия һәм эшегездә зур уңышлар телим! Сезнең белемегез, тәҗрибәгез, эш сөюегез, күңел җылыгыз алга таба да кешеләргә файда китерсен!”, дип тәмамлана котлау.

  • Социаль хезмәткәрләр көне Россиядә һәр елны 8 июньдә билгеләп үтелә. 2018 елда рәсми рәвештә 18нче тапкыр бәйрәм ителә. Истәлекле көн Россия Президенты кул куйган Указ нигезендә  (27.10.2000 г. № 1796 «О Дне социального работника») гамәлгә кергән.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.