Хәвеф-хәтәр

Татарстанда шәхси йортта чыккан янгында 33 яшьлек ир-ат һәлак булган

Фаҗига Кайбыч районының Чутай авылында килеп чыга.
08.06 13:12

(Казан, 8 июнь, “Татар-информ”). Татарстанда шәхси йортта чыккан янгында 33 яшьлек ир-ат янып үлгән. Бу хакта “Татар-информ”га Татарстанның Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.Кайбыч районы Чутай авылындагы шәхси йортта чыккан янгын турында хәбәр 112 эсктрен хезмәтләр чакыру бердәм номерына пәнҗешәмбе, 7 июнь көнне, 15:25 сәгатьтә килеп ирешә.Ут камап алган бүрәнә йорт янында Чутай янгын сүндерүчеләр командасы һәм Иске Тәрбит авылындагы аерым пост хезмәткәрләрен күршеләр каршы ала. Алар янгын сүндерүчеләргә өй эчендә кеше булырга мөмкинлеге турында әйтәләр.Куе төтен һәм югары температура аркасында йортка керү мөмкин булмый. Ут өй белән янәшә торган кечкенә сарайга һәм мунчага да күчә.Янгын сүндерүчеләргә утны тулысынча сүндерү өчен 30 минуттан артык вакыт кирәк була. Янгын урынындагы хәрабәләрне караганда янгын сүндерүчеләр йокы бүлмәсендә 33 яшьлек ирнең янган гәүдәсен таба.Янгын нәтиҗәсендә 120 кв. метр мәйданлы агач йорт, шулай ук сарай һәм мунча тулысынча юкка чыга.

Беренчел мәгълүматлар буенча янгын электр җиһазларын куллану кагыйдәләрен бозу нәтиҗәсендә килеп чыккан.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Кариев театрында ребрендинг: үзгәрешләр логотиптан башланып фойе һәм залларга да кагылачак

Яңа театр сезоны ачылыр алдыннан Кариев театры матбугат конференциясе үткәреп, үзенең алдагы планнары белән таныштырды.

Кариев театры премьералар парады вәгъдә итә

Кариев театры яңа сезонын 4 октябрьдә “Куян Эдвардның гаҗәеп сәяхәте” спектакле белән ача.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.