Рәсми Татарстан, Фән һәм мәгариф

Рөстәм Миңнеханов Казанның "Весна" торак комплексында яңа балалар бакчасын ачты

Мәктәпкәчә мәгариф учреждениесе 340 урынга исәпләнгән.
08.06 17:59

(Казан, 8 июнь, “Татар-информ”). Бүген Казанның Фикрәт Табиев урамында яңа балалар бакчасы ачылды. Тантаналы чарада Татарстан Республикасы Президенты Рөстәм Миңнеханов һәм Казан мэры Илсур Метшин катнашты. Бу хакта Татарстан Президенты матбугат хезмәте хәбәр итә.

Балалар бакчасы Казанның “Весна” торак комплексында урнашкан һәм 340 урынга исәпләнгән. Мәктәпкәчә учреждениедә балаларга уңайлы һәм куркынычсыз булсын өчен барлык шартлар да булдырылган. Ишегалдында төрле яшьтәге балалар өчен уен зоналары оештырылган.

Рөстәм Миңнеханов торак комплекста яшәүчеләрне балалар бакчасы ачылуы белән котлады. “Мондый матур йортлар янында парк, балалар бакчасы булу, мәктәп төзелү бик мөһим. Безнең балаларның үсеше өчен, кече яшьтән үк барлык мөмкинлекләр булырга тиеш”, дип билгеләп үтте ул.

Татарстан Президенты төзүчеләргә проектны сыйфатлы итеп гамәлгә ашырган өчен рәхмәт белдерде, ә балалар бакчасы хезмәткәрләренә уңышлар теләде.

Илсур Метшин, үз чиратында, Татарстан Президентына мәгариф объектлары төзелешен модернизацияләү мәсьәләләренә зур игътибар бирүе өчен рәхмәт сүзләрен җиткерде.

Тантаналы ачылыштан соң, Рөстәм Миңнеханов Тантанадан соң Рөстәм Миңнеханов бинаны карап чыкты: уен бүлмәләрендә, спорт һәм музыка залларында булды.

 

Ахырдан кунаклар «Весна» торак комплексы янәшәсендәге Нокса елгасы яр буен да карап чыктылар. Яр буенда велосипед юллары, җәяүлеләр зоналары, уен мәйданчыклары бар.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.