Спорт

Россия көнендә Казанда 2018 елгы Дөнья чемпионаты волонтерларын сынап карыйлар

Кайбер волонтерлар FIFA Конфедерацияләр Кубогы матчларын үткәрүдә эшләделәр.
08.06 19:41

(Казан, 8 июнь, “Татар-информ”). Казанда футбол буенча Дөнья чемпионаты көннәрендә ярдәм итүче шәһәр волонтерлары 12 июнь - Россия көнендә сынау узачак. Бу хакта Казан мэриясе матбугат хезмәте хәбәр итә.

Бу көнне “Казан” Гаилә үзәге каршындагы мәйданчыкның барлык мөмкинлекләрен дә сынап булачак, дип саный Спорт һәм социаль проектлар дирекциясе генераль директоры урынбасары Марат Закиров.

“Безгә бу көнне хезмәт күрсәтүчеләрне мөмкин кадәр күбрәк катнаштырырга кирәк, алар фестиваль үткәрү көннәренең ничек оештырылачагын күрергә тиеш”, - диде Закиров.

Җанатарлар фестивале мәйданчыгында Волонтер үзәге эшли башлады. Анда 200дән артык волонтер җәлеп ителгән. Аларның кайберләре узган ел FIFA Конфедерацияләр Кубогы матчларын үткәрүдә катнаштылар.

Волонтерлар белән Казан мэры Илсур Метшин да аралашты. "Казанның зур спорт вакыйгаларын үткәрү тәҗрибәсе бар. Бу - Универсиада, Спортның су төрләре буенча чемпионат, Конфедерацияләр Кубогы, - дип билгеләп үтте ул. - Шул чакта ук кунаклар биредә кунакчыл кешеләр һәм үзенчәлекле волонтерлар эшли, дип билгеләп үткәннәр иде".

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.