Мәдәният

Футбол буенча дөнья чемпионатының мәдәни программасы: Татарстан Милли музее

Чемпионат көннәрендә ТР Милли музеенда һәм аның филиалларында барлыгы 21 мәдәни чара булачак.
09.06 12:00

(Казан, 9 июнь, “Татар-информ”). Казанда 2018 елның Футбол буенча дөнья чемпионаты матчлары вакытында Татарстан Милли музее һәм аның филиаллары мәдәни программа тәкъдим итә.

14 июньнән 8 июльгә кадәр Татарстан Милли музеенда республиканың спорт өлкәсендәге казанышларын чагылдырган “Татарстан – спорт республикасы” күргәзмәсе үтәчәк. Биредә танылган спортчылар белән очрашулар да булачак.

15 июньдә (11.00-17.00 сәгатьләрдә) – “Исәнме, Татарстан!” бәйрәме. Бу көнне музейда кунакларны Татарстан һәм Казан белән таныштырачаклар, татарларның татлы ризыклары белән сыйлаячаклар.

20 июньдә (12.00-16.00 сәгатьләрдә) – “Халыклар дуслыгы әйлән-бәйләне” бәйрәме. Кунакларны Татарстан халыклары традицияләре, милли уеннар, кул эшләре белән таныштырачаклар. 

25 июньдә (16.00-24.00 сәгатьләрдә) – “Музейда футбол төне” акциясе. Бу кичтә музейга килгән кешеләрне төнгә кадәр күңелле мәдәни программа көтә. 

27 июньдә (11.00-17.00 сәгатьләрдә) – “Татар бишле ярышы” эстафетасы программасы. Музей үзенең кунаклары өчен Сабан туе уеннарын оештыра.

30 июньдә (11.00-17.00 сәгатьләрдә) – “Милли ярышлар” бәйрәме. Футбол сөючеләр көн дәвамында музейда татар халкының милли уеннарында көч сынаша ала.

5 июльдә (12.00-18.00 сәгатьләрдә) – “Дуслык хөрмәтенә, туганлык хөрмәтенә” дигән баттл. Милли музей хезмәткәрләреннән һәм Татарстанның футбол сөючеләре арасында волейбол уены булачак. 

КӨН ҮЗӘГЕНДӘ

Разил Вәлиев: Мәгариф турындагы законга яңадан кайтырга кирәк

Татарстан депутаты Владимир Путинның Россия халыклары милли телләрен яңадан торгызу инициативасын шатланып кабул итте.

Сораштырылган эшмәкәрләрнең яртысы быел бизнес алып бару өчен шартлар начарайганын әйткән

Тимур Нагуманов эшлеклелек активлыгы кимүенә карата борчылуын белдерде.

Путин Россия халыкларының милли телләрен саклау программасын торгызу ихтыяҗы булуын әйтте

СССР заманында дәүләттә милли телләрне саклау буенча махсус программа бар иде, дип искә төшергән ул.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.