Мәдәният

Төнлә дә татарча мультфильмнар күрсәтәчәк “Шаян ТВ” каналы рус телендә презентация ясады

Презентация «Казан Кремле» музей-тыюлыгында «Без Кремльне яратабыз» традицион фестивале кысаларында оештырылган иде.
09.06 15:05

(Казан, 9 июнь, «Татар-информ», Рузилә Мөхәммәтова). Казан Кремлендә “Шаян ТВ” республика балалар телевизион каналы рус телендә тәкъдим ителде. Әлеге презентация «Казан Кремле» музей-тыюлыгында Балаларны яклау көнендә үтә торган «Без Кремльне яратабыз» традицион фестивале кысаларында оештырылган иде. Яңа каналны телевидение алып баручысы Айзилә Батырханова алып барды.

Проектның зур экрандагы презентациясе һәм алып баручының шәрехләүләре буенча балалар яңа каналда атнага бер тапкыр “Бергәләп өйрәник”, “Кичке әкиятләр”, “Тереклек дөньясында”, “Галәм киңлекләрендә”, “Ябалак апа дәресләре”, “Акыл баттл”, “Җырлы селфи” кебек тапшырулар булачагын, бик күп кызыклы мульфильмнар һәм мультсериалларның татарчага тәрҗемә ителгәнен белде.

Фестиваль "Мы любим Кремль"

“Шаян ТВ” каналы тапшыруларын хәзер ТНВ каналында 15.00 сәгатьтә көнгә бер сәгать карап була. Бу каналның “ТНВ-Яңа гасыр” структурасында булуы белән бәйле. 15 октябрьдән ул тәүлек әйләнәсе эшли башлаячак, Айзилә Батырханова балаларга вәгъдә иткәнчә, “төнлә дә мультиклар күрсәтәчәк”. Телевидениедә бөтен тапшырулар да татар телендә булачак, ә реклама ике телдә барачак. Тапшырулар 3 - 7, 7 – 11, 11 – 15 яшьлек балалар өчен эшләнә.

Тиздән каналның үз рәсми сайты барлыкка киләчәк. Әлегә телевидениенең үз "кнопкасы" буласы-булмаячагы билгеле түгел. 

Ярты сәгать чамасы барган презентациянең беренче өлешендә тапшырулар анонсланса, икенче өлешендә балаларга сораулар биреп бүләк алу мөмкинлеге тудырылды. Балалар куянның колагы нигә озын, аюның нигә койрыгы бар кебек сораулардан тыш, Айзиләгә ничә яшь булуын да, рекламаның нинди телдә бирелүен дә сораштылар.Фестиваль "Мы любим Кремль"Сораулар бирүче һәм ул сорауларга җаваплар табучыларга “Шаян ТВ” логотибы төшерелгән футболкалар, блокнотлар, ручкалар һәм аяк киеме салып йөри торган рюкзак тапшырылды.

Айзилә Батырханова тамашачыларны “Шаян ТВ” балалар каналының төп геройлары һәм алып баручылар – Шаян белән Биби белән таныштырды. Алар кастинг аша үтеп сайлап алынганнар. Шаян образында – Казанның 93нче мәктәбе укучысы Илдар Гыйниятов, Биби – Самирә Йосыпова, Биектауның 4нче гимназиясе укучысы.Фестиваль "Мы любим Кремль"
 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.