Дин

Актанышта районкүләм ифтар үтте

"Кол Шәриф" мәчетенең имам-хатыйбы актанышлылар белән аралашты, рамазан ае, Ураза гаете хакында вәгазь-нәсыйхәтләр сөйләде.
09.06 23:00

(Актаныш, 9 июнь, "Татар-информ", "Актаныш таңнары", Лилия Бәхтиева). Кичә, изге җомга кичендә, Актанышта районкүләм ифтар үтте. Районда беренче тапкыр мондый киң күләмдә оештырылган ифтарда йөзләгән кеше - районның башкарма комитет җитәкчесе Энгель Фәттахов, төрле дәрәҗәдәге җитәкчеләр, җәмәгать эшлеклеләре, шулай ук халыкның социаль яктан якланмаган катламнары: күп балалы һәм аз керемле гаиләләр, физик яктан мөмкинлекләре чикле кешеләр, ятимнәр катнашты, дип яза җирле басма.

Дәрәҗәле кунакларга килгәндә, изге рамазан аеның 24 нче көнендә Актанышка махсус ифтар өчен ТР МДНнең дәгъват белгече – "Кол Шәриф" мәчетенең имам-хатыйбы Илфар хәзрәт Хәсәнов килгән иде. Аның белән беррәттән районкүләм ифтарда Төркиядән килгән Ариф хәзрәт тә катнашты.

"Кол Шәриф" мәчетенең имам-хатыйбы актанышлылар белән аралашты, рамазан ае, Ураза гаете хакында вәгазь-нәсыйхәтләр сөйләде.

Районыбыз имам - мөхтәсибе Руслан хәзрәт Мортазин җитәкчелегендә район үзәк стадионында ахшам намазы укылды.

Актаныш спорт комплексында исә ифтар ашы әзерләнгән иде. Биредә авыз ачу мәҗлесен оештыручыларга рәхмәт сүзләре әйтелеп дога кылынды.

 

КӨН ҮЗӘГЕНДӘ

24 июньнең төп вакыйгалары - фото һәм сылтамалар

Эмиль Гарипов Бирәзә Сабан туена Гагарин кубогын алып кайтты, күн мозаика буенча мастер-класс үтте, Урта Бирәзәдә Раил Нургалиев абсолют батыр калды.

"Каннга барып җиткән беренче татар" катнашында эшләнгән фильм Казан фестивалендә күрсәтелә

Айдар Шәрипов катнашында төшерелгән «Ласковое безразличие мира» фильмы 71нче халыкара Канн фестиваленең «Особый взгляд» программасында катнашкан иде.

Театр сабан туеның баш батыры - Кариев театры артисты Илдар Әхмәдуллин

Бүген Əтнә районының Каенсар урманында XI Театраль сабантуй үтте.

Урта Бирәзә авылында Теләчедән Раил Нургалиев абсолют батыр калды

Көрәшчегә "Лада-Гранта" автомобиле белән тәкә бүләк ителде.

Колумбия-Польша матчы вакытында 25 градуска якын эссе булачак

Гидрометүзәк, югары температураның кеше организмы өчен куркыныч булырга мөмкин икәне турында кисәтә.