Мәдәният

“Шаян ТВ” Шаян белән Биби курчагын ясарга җыена

Бүген Казан Кремлендә “Шаян ТВ” балалар телевизион каналы презентациясен телевидение алып баручысы Айзилә Батырханова тәкъдим итте.
09.06 18:16

(Казан, 9 июнь, «Татар-информ», Рузилә Мөхәммәтова). “Шаян ТВ” республика балалар телевизион каналы үзенең төп геройларын курчак итеп чыгарырга җыена. Бүген бу хакта «Казан Кремле» музей-тыюлыгында «Без Кремльне яратабыз» фестивале кысаларында оештырылган презентациядә хәбәр ителде.

“Шаян ТВ” балалар каналының төп геройлары – тиктормас малай Шаян һәм акыллы кыз Биби. Шулай итеп, һәр татар яхшы белгән “Беренче театр” телеспектаклендә Фирдәвес Әхтәмова башкарган асрау Биби образын “Шаян ТВ” башка имиджда танытырга җыена – “Шаян ТВ”ның героинясы күп укый торган акыллы, матур кыз бала.

Шаян образында – Казанның 93нче мәктәбе укучысы Илдар Гыйниятов, Биби – Биектаудагы 4нче гимназия укучысы Самирә Йосыпова, . Алар икесе дә кастинг аша сайлап алынган.

Бүген “Шаян ТВ” республика балалар телевизион каналы презентациясен телевидение алып баручысы Айзилә Батырханова тәкъдим итте. Геройлар һәм каналның тапшырулары белән дә ул таныштырды. “Безнең канал геройларыбызның курчакларын чыгарачак”, - диде ул, презентация залындагы баннерга төшерелгән малай һәм кыз рәсеменә күрсәтеп.
 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.