Мәдәният

Самара Сабан туе Гакыйль Сәгыйровның 80 еллыгына багышлана

Сабан туенда автор-башкаручы Ринат Рәхмәтуллин чыгыш ясаячак, җырчы Раяз Фасыйхов белән сөйләшүләр бара, дип яза "Самара татарлары" сайты.
10.06 12:14

(Казан, 10 июнь, “Татар-информ”). Быел Самара Сабан туе Гакыйль Сәгыйровның 80 еллыгына багышлана. Бу хакта Самарада утызынчы өлкә Сабан туен әзерләү һәм уздыру буенча оештыру комитетының чираттагы утырышында билгеле булды, дип яза "Самара татарлары" сайты.

  • Быел 30 июньдә утызынчы Самара өлкә Сабан туе Ю.А.Гагарин исемендәге паркта узачак. Бәйрәм ил һәм төбәк Хөкүмәте белән килештерелеп, FIFA -2018 футбол буенча Дөнья чемпионаты Мәдәни программасы кысаларында уза. Сабан туе 10.00 сәгатьтә башлана.

Быел бәйрәм якташ шагыйрь һәм рәссам, “Филантроп” халыкара премия лауреаты, дистәләрчә китап авторы Гакыйль Сәгыйровның 80 еллыгына багышлана, диелгән әлеге хәбәрдә.

Паркта аның рәсемнәреннән күргәзмә оештырыла. Шулай ук биредә Самара өлкәсе “Туган тел” татар җәмгыяте аксакалы А.К. Надыйровның картиналары да куелачак.

Сабан туеның төп сәхнәсендә Казаннан автор-башкаручы Ринат Рәхмәтуллин чыгыш ясаячак, җырчы Раяз Фасыйхов белән сөйләшүләр бара, дип яза "Самара татарлары" сайты.

Җәйге театр сәхнәсендә “Халыклар дуслыгы йорты”нда шөгыльләнүче төрки милли-мәдәни җәмгятьләренең иҗат коллективлары чыгышы көтелә.

Парк күп төрле зоналарга бүленәчәк. Төп сәхнә күл өстендәге “Кабырчык”та (“Ракушка”) булачак һәм анда Казан артистлары, Самара өлкәсе һәм Татарстанның үзешчән сәнгать осталары чыгышы булачак. 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.