Спорт

Казанда Австралия командасы ачык күнекмәсен өч мең кеше карый алачак

Чакыру билетларының бер өлешен Казан футбол мәктәпләрендә тәрбияләнүчеләргә биргәннәр.
10.06 16:48

(Казан, 10 июнь, “Татар-информ”, Алексей Анисимов). Футбол буенча Дөнья чемпионатында катнашу өчен бүген Казанга килгән Австралия җыелмасы, дүшәмбе, 11 июньдә, “Хезмәт резервлары” стадионында ачык күнекмә уздыра. Бу хакта “Татар-информ” корреспондентына Татарстан Яшьләр эшләре һәм спорт министры Владимир Леонов хәбәр итте.

Россиядә футбол буенча Дөнья чемпионатында катнашучы һәр җыелма команда, регламент буенча, ким дигәндә бер тапкыр тамашачылар өчен ачык күнекмә уздырырга тиеш. Бирегә керү чакыру билетлары буенча була.

  • Австралиялеләр “Хезмәт резервлары” стадионында ачык күнекмәне 11 июньдә, 15.00 сәгатьтән 16.00 сәгатькә кадәр уздыра.

“Ачык күнекмәдә өч мең кеше булачак. Чакыру билетларының бер өлеше Казан спорт мәктәпләрендә тәрбияләнүчеләр алды. Безнең (спорт мәктәпләренең) челтәре бар. Австралия җыелмасы күнекмәсен карыйсы килгән барысы да чакыру билетлары алды”, - диде Леонов.

  • Австралия җыелмасы Дөнья чемпионаты вакытында Татарстан башкаласында яши һәм күнекмәләр уздыра. Алар “Ак Барс” хоккей клубы базасында урнашты.Төркем этабының бер матчы Казанда узачак. 16 июньдә австралиялеләр “Казан-Арена”да Франция командасы белән уйный.

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.