Авыл

Ютазы районы механизаторлары сабанчылар бәйгесендә катнашты

Мактаулы пьедесталга күтәрелгән механизаторлар гына түгел, барлык катнашучылар да акчалата премия белән билгеләнде.
10.06 20:00

(Ютазы, 10 июнь, "Татар-информ", "Ютазы таңы", Ильмира Галиева). Тукай исемендәге җәмгыять җирендә сабанчылар бәйгесе узды.Җирбагарларны район башкарма комитеты җитәкчесе Светлана Самонина сәламләде. Авыл хуҗалыгы һәм азык-төлек идарәсе начальнигы Аяз Шафигуллин, табигать көйсезлекләренә бирешмичә, язгы кыр эшләрен оптималь срокларда башкарып чыккан җирбагарларга ихлас рәхмәтен белдерде, дип яза район газетасы.

Старт бирелүгә, басу тракторлар гүленә күмелде – чабышкы атлар кебек 13 берәмлек трактор берьюлы алга ыргылды. Мондый бәйгеләрдә комиссия әгъзаларының очлы күзеннән уңай күренешләр дә, җитешсезлекләр дә читтә калмады – буразналарның туры ярылуы, эшкәртелгән участокның тигезлеге, чүп үләннәренең эшкәртелүе, сөрү тирәнлеге...

Механизаторлар кырда көч сынашкан арада, җитәкчеләр һәм белгечләр арасында ярыш игълан ителде. Алар вакытка мылтык сүтеп-җыюда үз осталыкларын күрсәтте. Бәйгенең төп шартын – үзләренә билгеләнгән җир кишәрлеген эшкәртеп чыккан механизаторлар өчен әле дә ярыш көне тәмамланмады. Алар трактор артына йөк эләктереп, фигуралы йөрештә үз осталыкларын күрсәтте.

Бәйге бүләкләргә бай булды – мактаулы пьедесталга күтәрелгән механизаторлар гына түгел, барлык катнашучылар да акчалата премия белән билгеләнде. Тәмле төшке аш ашап, район артистлары куйган концертны карап, кулларына мулдан тутырылган күчтәнәч җыелмасын тотып, өйләренә таралган сабанчыларның күңелләре күтәренке иде.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.