Татар дөньясы

Мәскәүдә милли туйлар бәйрәмендә татар гаиләләре катнаша

Бәйрәм 12 июньдә Химки шәһәренең Лев Толстой исемендәге Үзәк мәдәният һәм ял паркында узачак.
11.06 10:48

(Казан, 11 июнь, “Татар-информ”). 12 июньдә Химки шәһәренең Лев Толстой исемендәге Үзәк мәдәният һәм ял паркында “Бер ил – бер гаилә” дип исемләнгән Мәскәү өлкәсендә өченче тапкыр уза торган Милли туйлар фестивале була. Әлеге бәйрәмдә татар гаиләләре дә катнашачак. Бу хакта Татарстан Республикасының Россия Федерациясендәге Вәкаләтле вәкиллегенең матбугат хезмәте хәбәр итә.

Бәйрәмнең төп кунаклары – алтын һәм бриллиант туйларын бәйрәм иткән 12 пар булачак.

  • Фестивальне ачу тантанасы “Крокус” теплоходында була. Ул Красногорск (Международная урамы, 3 йорт) пристаненнән 11:00 сәгатьтә кузгалып китә.

Бәйрәм Химки шәһәренең Л. Толстой исемендәге Үзәк мәдәният һәм ял паркында дәвам итәчәк. Анда озак еллар бергә яшәгән юбилярларны тәбрикләү тантанасы була.

Һәр төбәк өчен әзерләнгән интерактив мәйданчыкларда иҗат коллективлары чыгыш ясаячак, халык һөнәрләре эшләнмәләрен ясау буенча мастер-класслар, милли аш-су ярышы, милли киемнәр тәкъдим итү, үзенчәлекле туй йолаларын күрсәтү булачак.

Төбәкара фестивальдә Татарстан ел саен актив катнаша. Быел бәйрәмдә 50-60 ел бергә гомер иткән ике татар гаиләсе катнашачак, диелгән әлеге хәбәрдә.

Концерт программасында “Илдан” халык биюләре ансамбле чыгыш ясаячак (сәнгать җитәкчесе – Татарстанның атказанган мәдәният хезмәткәре Рәдиф Яваев).

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Кариев театры премьералар парады вәгъдә итә

Кариев театры яңа сезонын 4 октябрьдә “Куян Эдвардның гаҗәеп сәяхәте” спектакле белән ача.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.