Мәдәният

Кинематография институтына бюджет урыннарына Татарстаннан дүрт студент тәкъдим ителәчәк

Абитуриентларны сайлап алучы экспертлар комиссиясен “Татаркино” оешмасы директоры – Миләүшә Айтуганова җитәкли.
11.06 17:06

(Казан, 11 июнь, “Татар-информ”). С.А.Герасимов исемендәге Бөтенроссия дәүләт кинематография институты (ВГИК) Татарстан абитуриентлары өчен дүрт бюджет урыны бүлеп биргән. Бу хакта Мәдәният министрлыгы матбугат хезмәте хәбәр итә.

Абитуриентларны сайлау Казан дәүләт мәдәният институтында узган. Кастингта барлыгы 23 кеше катнашкан. Икенче этапка 14 кеше сайлап алынган.

Экспертлар комиссиясен “Татаркино” дәүләт оешмасы директоры – Миләүшә Айтуганова җитәкли. Аның составына кино белгечләре, ВГИК тәмамлаучылар, Казан театр училищесы вәкилләре, Казан дәүләт мәдәният институтының анимация кафедрасы мөдире керә.

“Анимация һәм компьютер графикасы рәссамы”; “Кино һәм ТВ костюмнары буенча рәссам”; “Уен киносы режиссурасы” һәм “Анимация һәм компьютер графикасы режиссурасы” белгечлекләре буена Татарстаннан дүрт абитуриент сайлап алынды, диелгән әлеге хәбәрдә.

Шулай итеп, яңа уку елында Дмитрий Чернышкин, Надежда Потапова, Салават Мурзанов һәм Наилә Шәфыйгуллина С.А.Герасимов исемендәге Бөтенроссия дәүләт кинематография институты (ВГИК) студентлары булачак.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.