Җәмгыять

Татарстанда урыны белән яшенле яңгырлар көтелә

13 июньдә республиканың көнчыгыш районнарында 22 градуска кадәр җылытачак.
11.06 17:48

(Казан, 11 июнь, “Татар-информ”). Татарстанда яшенле яңгырлар, республиканың көнчыгыш районнарында 13 июньдә 22 градуска кадәр җылылык көтелә. Бу хакта Татарстан Гидрометеорология һәм әйләнә-тирә мохитне күзәтү идарәсе хәбәр итә.

Иртәгә, 12 июньдә, Татарстанда алмашынучан болытлы һава көтелә. Төнлә явым-төшемнәрсез. Көндез урыны белән кыска вакытлы яңгыр явачак. Көньяк-көнбатыштан уртача тизлектәге җил исәчәк. Төнлә һава температурасы +2..+7 градус, көндез +15..+20 градус булыр дип фаразлый синоптиклар.

Казанда төнлә һәм көндез алмашынучан болытлы һава булачак. Көндез урыны белән кыска вакытлы яңгыр явар дип фаразлана. Җил көньяк-көнбатыштан акрын тизлектә булачак. Һава температурасы төнлә +5..+7 градус, көндез +17..+19 градус булыр дип көтелә.

13 июньдә Татарстанда төнлә урыны белән, иртән һәм көндез күпчелек районнарда яңгыр явачак. Көндез урыны белән яшенле яңгыр булуы ихтимал. Җил көньяк-көнбатыштан, уртача тизлектә, төнлә урыны белән секундына 15 метр, иртән һәм көндез 20 метр тизлектә исәргә мөмкин. Төнлә һава температурасы +8..+13 градус; көндез +14..+19 градус, көнчыгыш районнарда +22 градус булыр дип фаразлана.

Синоптиклар 14 июньдә Татарстанның күпчелек районнарында бераз яңгыр явар дип хәбәр итә. Төнлә урын белән яшен булуы ихтимал. Җил төньяк-көнбатыштан, уртача тизлектә, яшен вакытында җил тизлеге секундына 15-20 метрга җитәргә мөмин. Төнлә һава температурасы +7..+12 градус; көндез +15..+20 градус булачак, диелгән әлеге хәбәрдә.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Татарстанда «Бердәм Россия»нең кабул итү бүлмәсенә 10 елда 21 мең кеше мөрәҗәгать иткән

Бер генә сәяси партиядә дә халык белән мондый системалы эш оештырылмаган, диде Фәрит Мөхәммәтшин.

Кариев театрында ребрендинг: үзгәрешләр логотиптан башланып фойе һәм залларга да кагылачак

Яңа театр сезоны ачылыр алдыннан Кариев театры матбугат конференциясе үткәреп, үзенең алдагы планнары белән таныштырды.

Кариев театры премьералар парады вәгъдә итә

Кариев театры яңа сезонын 4 октябрьдә “Куян Эдвардның гаҗәеп сәяхәте” спектакле белән ача.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.