Авыл

Олы Әтнәдә яңа терлекчелек комплексы сафка басты

Эш сменалап оештырылган: терлекчеләр 4 сменада көч куя.
12.06 06:00

 (Казан, 12 июнь, “Татар-информ, ”Әтнә таңы”, Хәмит Бадиков). “Тукай” җаваплылыгы чикләнгән җәмгыяте шактый зур, заманның барлык таләпләренә туры килә торган савым комплексын эшләтеп җибәрде. Дөрес, комплекс территориясендә төзелеш, ремонт эшләре әле дәвам итә, -дип яза район газетасы.

Әйтик, терлекләр тәрбияләнә торган 3 торакның берсендә эш, чын мәгънәсендә, кайный. Комплекс кадрлар белән дә тулысынча тәэмин ителгән: савымчылардан тыш, мал табибы, ясалма рәвештә аталандыручы, операторлар да бар, кыскасы, кадрлар ягыннан кытлык юк.

Территориягә кергәндә “проходной” аша үтәсе: килгән һәркем шунда киемен эшнекенә алыштыра, кирәк санаса душ та кабул итә ала. “Замана таләпләре бу”, – дип аңлаттылар. Хәер, бу комплекс үзе үк заман технологияләре кушканча төзелгән. Комплекс территориясенә керүче техника да “Санитар зона” аша уза: махсус чокырдан үтеп дезинфекцияләнә.

Иң нык кызыксындырганы һәм гаҗәпләндергәне: сафка баскан савым залы булды, әлбәттә. Хәйран калырлык: экскурсия оештырып карарлык дәрәҗәдә тәртип, чисталык һәм төрле җиһазлар күп монда. Комплекс начальнигы Айрат Садриеваның эшчәнлеге белән таныштырды.

– Торакларның берсендә 600 башка якын савым сыеры тәрбияләнә. Аларны өр-яңа, фәнни казанышлар нигезендә җиһазланган савым залында, “Карусель”дә савабыз. Биредә берьюлы 60 сыерны савып була, – ди ул.

“Карусель” махсус төймә белән тизлеген көйләп яки туктатып була торган, акрын гына әйләнеп торучы зур агрегат; туктаган вакытта сыерлар берәмләп кереп-чыгып торалар. Ул биек тә урнашкан, ә савымчылар шул сыерлар белән бергә әйләнүче саву аппаратларын җиленнәренә кидереп торалар. 

Иң мөһиме – эш сменалап оештырылган: терлекчеләр 4 сменада көч куя. Монысы тәүлекнең бер үк вакытында эшләргә туры килмәсен өчен шулай эшләнгән, диелгән район хәбәрендә. 

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.