Авыл

Зәйдә иң яхшы бүлекчәләр һәм кыр батыры билгеләнде

Комиссия карары буенча, “Сабантуй батыры-2018” булып “Зәй” агрофирмасының “Алга” бүлекчәсеннән Айдар Галимов табылды.
12.06 03:00

(Зәй, 12 июнь, "Татар-информ", "Зәй офыклары"). Зәй районы игенчеләре кыр эшләрен иртә язда башлап, көнне-төнгә ялгап эшләде. Чәчүлекләр торышын караганда кыр батыры, иң яхшы бүлекчәләр дә билгеләнде, дип яза җирле басма.

50 балл җыйган «Восток» агрофирмасының «Яңа Спас» бүлекчәсе җиңүче дип табылды. Бүлекчә белән Ю. В. Волков җитәкчелек итә. «Зәй шикәре» агрофирмасының «Маяк» бүлекчәсе (җитәкчесе А. Ф. Тучин), 49 балл җыеп, икенче урында. «Нива» җаваплылыгы чикләнгән ширкәте (В. В. Алиуллов) исә өченче урынны алды. М. М. Ахунов крестьян-фермер хуҗалыгы, 47 балл туплап, дүртенче урында. Комиссия карары буенча, “Сабантуй батыры-2018” булып “Зәй” агрофирмасының “Алга” бүлекчәсеннән Айдар Галимов табылды.

Айдар Габделхәевич 1983 елдан “МТЗ-1221” тракторында хезмәт куя. Аның хезмәт стажы - 35 ел. Ул, 618 гектарда язгы бодай чәчеп һәм 1019 гектар мәйданда бөртеклеләр тукландырып, «Кыр батыры» исеменә лаек булды. Эшләнеш 573 эталон гектар тәшкил итә, бүген Айдар Галимов язгы бодай тукландыру белән мәшгуль.

Аның белән беррәттән “Зәй шикәре” агрофирмасыннан Михаил Ермолаевны да билгеләп үтәргә була. Ул хезмәттәше Алексей Васильев белән “Клаас Ксерион” тракторында 3 мең гектардан артык мәйданда чәчү эшләре башкарды. «Восток» агрофирмасы механизаторы Хәлил Уразманов исә 1079 гектар мәйданда тырмалау, “ХТХ-215” тракторында 476 гектар мәйданда чәчү эшләре башкарды, диелгән район хәбәрендә.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.