Мәдәният

Бүген Свияжск шәһәрендә VII “Иман моңы” - "Музыка веры" фестивале ачыла

Фестивальнең йомгаклау концерты 21 июльдә Болгарда узачак.
12.06 09:59

(Казан, 12 июнь, “Татар-информ”). Татарстанда VII “Иман моңы” - “Музыка веры” фестивале узачак. Бүген Свияжск шәһәрендә  фестивальнең ачылыш тантанасы була. Форумны Татарстан Мәдәният министрлыгы һәм С.Сәйдәшев исемендәге Зур дәүләт концерт залы оештыра. Бу хакта ТР Мәдәният министрлыгы матбугат үзәге хәбәр итә.

  • Форум 2012 елда дини музыка мәдәниятен торгызу һәм популярлаштыру, төрле милләт һәм дин кешеләрен берләштерү һәм аралаштыру, шулай ук Татарстанның толерантлык нигезләрен ныгыту максатыннан булдырылган.
  • Фестивальнең төп концепциясе булып, Татарстанның туристлар һәм дин тотучылар йөри торган эре үзәкләрдә – Зөя (Свияжск) утрау-шәһәрчегендә, Казанда һәм Болгарда төрле конфессияләргә хас булган тематик концертлар уздыру тора. Концертларга керү ирекле.

Фестиваль бүген, 12 июньдә Зөя утрау-шәһәрчегендә ачыла. Бу көнне биредә ике концерт уза. Аның берсе Зөя утрау-шәһәрчеге музеенда 11.00 сәгатьтә, икенчесе Изге Ана иконасы Соборында  12.00 сәгатьтә булачак. Концертта Татарстан дәүләт кыллы квартеты, “Преображение” чиркәү хоры, “Благовест” ансамбле һәм башка дини музыкаль чыгышлар көтелә.

26 июньдә 19 сәгатьтә Казан Кремлендә “Пушечный двор”да “Иман моңы” фестиваленең гала концерты уздырыла. Фестиваль программасында – төрле диннәргә хас музыка, дөнья халыкларының үзенчәлекле аранжировкадагы җырлары яңгыраячак. Концертта Татарстанның Дәүләт камера хоры, “Яңа музыка” (“Новая музыка”) оркестры, Радик Сәлимов, Алинә Шәрипҗанова (вокал), Илгиз Шәйхразиев (вокал), Александра Бозиянцның “EthnoArt” этник барабаннар мәктәбе (дудук), Анна Благова (тибет “чаша”лары) чыгыш ясаячак.

Фестивальнең йомгаклау концерты 21 июльдә Болгарда узачак. Ачык һавада үтәчәк чарада Татарстанның танылган коллективлары һәм башкаручылар чыгыш ясаячак. Программада ислам музыкасы, татар халык җырлары, авторлар әсәрләре каралган.

 

КӨН ҮЗӘГЕНДӘ

Разил Вәлиев: Мәгариф турындагы законга яңадан кайтырга кирәк

Татарстан депутаты Владимир Путинның Россия халыклары милли телләрен яңадан торгызу инициативасын шатланып кабул итте.

Сораштырылган эшмәкәрләрнең яртысы быел бизнес алып бару өчен шартлар начарайганын әйткән

Тимур Нагуманов эшлеклелек активлыгы кимүенә карата борчылуын белдерде.

Путин Россия халыкларының милли телләрен саклау программасын торгызу ихтыяҗы булуын әйтте

СССР заманында дәүләттә милли телләрне саклау буенча махсус программа бар иде, дип искә төшергән ул.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.