Икътисад

Татарстан Президенты “КАМАЗ”ның пилотсыз электробусын сынап карады

Пилотсыз транспортның тизлеге сәгатенә 110 километрга кадәр җитә алачак.
12.06 10:37

(Казан, 12 июнь, “Татар-информ”, Александр Елисеев). Татарстан Президенты Рөстәм Миңнеханов беренчеләрдән булып “КАМАЗ” акционерлык җәмгыяте пилотсыз электробусында йөрде. Автогигант Казанда “Киң Адаптацияле Транспорт Логистикасы” (“КАТЛ”) (”Широко Адаптивная Транспортная Логистика” (“ШАТЛ”) прототибын демонстрацияләде.

Электробус тизлеген сәгатенә 110 километрга кадәр җиткерергә сәләтле. Шулай да кунаклар өчен бүген аерым бер - чикләнгән тизлек кысаларында гына махсус  презентация уздырылды: “ШАТЛ” сәгатенә 10 километр тизлек белән 650 метр араны узды.

Пилотсыз электробус каты өслекле юлларда йөрү өчен каралган. Хәрәкәт өчен ул цифрлы карталар, навигация һәм техник күзәтү органнары системасы мәгълүматларын куллана.

“Ничек кирәк, шулай эшли. Аның мөмкинлекләре зуррак. Әмма закон базасы әлегә чикләнгән. Шунлыктан бүген таныштырабыз гына. Әлеге автомобиль платформасы тавышсыз, йомшак, бу аны күп проектларда куллану мөмкинлеген бирә. Салонда өстәл куярга, дуслар белән әңгәмә корырга мөмкин. Бик тәэсирләндерә”, - диде утырып йөргәннән соң Рөстәм Миңнеханов.

Электробуста йөзләгән датчик урнаштырылган. Алар реаль вакыт режимында мәгълүматны автогигант серверына тапшыра.

„ШАТЛ“ - ул яңа эшләнмә, аның мисалында автомобиль төзелеше үсеше төп трендларын күзәтергә мөмкин”, - диде “КАМАЗ” акционерлык җәмгыяте генераль директоры Сергей Когогин.
 

КӨН ҮЗӘГЕНДӘ

Разил Вәлиев: Мәгариф турындагы законга яңадан кайтырга кирәк

Татарстан депутаты Владимир Путинның Россия халыклары милли телләрен яңадан торгызу инициативасын шатланып кабул итте.

Сораштырылган эшмәкәрләрнең яртысы быел бизнес алып бару өчен шартлар начарайганын әйткән

Тимур Нагуманов эшлеклелек активлыгы кимүенә карата борчылуын белдерде.

Путин Россия халыкларының милли телләрен саклау программасын торгызу ихтыяҗы булуын әйтте

СССР заманында дәүләттә милли телләрне саклау буенча махсус программа бар иде, дип искә төшергән ул.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.