Мәдәният

Минзәлә театры артисты Рөстәм Зиннуров Бөтенроссия фестивале лауреаты булды

Кече шәһәр театрлары фестивале Новороссийск шәһәрендә 4 – 11 июнь көннәрендә үтте.
12.06 14:18

(Казан, 12 июнь, «Татар-информ», Рузилә Мөхәммәтова). Минзәлә Татар дәүләт драма театры артисты Рөстәм Зиннуров Иблис роле өчен "Өмет" номинациясендә Россиянең кече шәһәр театрлары фестивале лауреаты булды. Исемлек фестивальнең рәсми сайтына урнаштырылган.

Сабир Өметбаев исемендәге Татар дәүләт драма театры Россиянең кече шәһәр театрлары фестивалендә азәрбайҗан классигы Хөсәен Җәвид әсәре буенча куелган “Иблис” трагедиясе белән катнашты. Режиссеры – Сергей Потапов. Режиссер спектакльдә Иблисне икегә бүлгән – Иблис янында аның күләгәсе дә йөри. Иблис ролен театрның яшь актеры Рөстәм Зиннуров башкарды.

  • Спектакль “Ел вакыйгасы” номинациясендә, Камал театрының “Әтәч менде читәнгә” спектакле белән бергә, “Тантана” республика театр премиясенә лаек булды. Рөстәм Зиннуров "Иң яхшы ир-ат роле" номинациясендә премия номинанты булса да, премия жюриы игътибарыннан читтәрәк калган иде.

  • Кече шәһәр театрлары фестивале Новороссийск шәһәрендә 4 – 11 июнь көннәрендә үтте. Фестивальне оештыручы – Милләтләр дәүләт театры. Фестивальнең сәнгать җитәкчесе – Евгений Миронов. Фестивальдә жюрны Россиянең халык артисты Игорь Скляр җитәкләде.

 

КӨН ҮЗӘГЕНДӘ

18 июньнең төп вакыйгалары - фото һәм сылтамалар

Мәскәү дәүләт педагогика университетында “Татар филологиясе” магистратура юнәлеше ачылган, туган тел укыту программасының төп өлешендә булачак.

Илдар Гыйльметдинов: “Татар теле” предметы балалар өчен мавыктыргыч булырга тиеш

Милли дәүләт телләрен белүчеләргә кызыксындыру чаралары булдыруны уйлап куярга кирәк.

Татар рәссамнары белән тарихчылар халыкка тарихи белем бирү проектларын башлап җибәрәләр

“Казан” милли-мәдәни үзәгендә оештырылган “Чиксезлеккә юл” күргәзмәсе - әлеге нияттән эшләнгән беренче эш.

Волонтерларга күбрәк нинди сораулар буенча мөрәҗәгать итүләре билгеле булды

Барлык волонтерларга чит тел белүе шарт итеп куелган булган.

Мәскәү дәүләт педагогика университетында “Татар филологиясе” магистратура юнәлеше ачылган

Татар филологиясенә 14 бюджет урыны бирелгән, әмма уку йортында бюджет урыннары тулмас дип борчылалар.