Рәсми Татарстан

Рөстәм Миңнеханов Татарстанның 48 күренекле шәхесенә дәүләт бүләкләрен тапшырды

Бөек Ватан сугышында катнашучылар Татарстан Республикасының “Фидакарь хезмәт өчен” медаленә ия булды.
12.06 14:00

(Казан, 12 июнь, “Татар-информ”, Надежда Гордеева). Бүген Казан Кремлендә республика Президенты Рөстәм Миңнеханов тантаналы төстә Россия һәм Татарстан бүләкләрен  тапшырды. Дәүләт бүләкләренә Татарстанның 48 күренекле шәхесе лаек булды.

Тантаналы чара алдыннан республика лидеры бәйрәмдә катнашучыларны Россия көне белән котлады. “Татарстанның уңышлы үсешендә керткән саллы хезмәтегез өчен рәхмәтемне җиткерәм. Сезнең һәркайсыгыз йөкләнгән эшне намуслы башкаруда, аңа иҗади якын килүдә үрнәк булып торасыз. Аерым рәхмәт сүзләрен биредә булган Бөек Ватан сугышы ветераннарына җиткерәм. Ватанга хезмәт итүдә сез безгә үрнәк булдыгыз һәм шулай булып каласыз да”, - дип өстәде Татарстан Президенты.

Беренче булып бүләкне Бөек Ватан сугышында катнашучылар Фирдәүс Ермаков һәм Турфан Насыйбуллин, Ленинград блокадасында яшәгән Алексей Шевелев алды. Рөстәм Миңнеханов аларга Татарстан Республикасының “Фидакарь хезмәт өчен” медален тапшырды.

I һәм II дәрәҗәдәге “Ватан алдындагы казанышлары өчен” орден медаленә, Мактау грамоталарына һәм Россия Президенты Рәхмәтенә “КАМАЗ-Автоспорт” коммерцияле булмаган партнерлык хезмәткәрләре лаек булды.

Россия Эчке эшләр министрлыгының Татарстан Республикасы буенча экстремизмга каршы үзәк бүлеге җитәкчесе Рамил Исмәгыйлов “Җәмәгать тәртибен яхшы саклаган өчен” медаленә, Татарстанның Төзелеш, архитектура һәм торак-коммуналь хуҗалыгы министры Ирек Фәйзуллин Россия Президенты Мактау грамотасына лаек булды.

“Татарстан Республикасы алдындагы казанышлары өчен” орден медале хезмәт ветераны Ислам Әхмәтҗановка, Дәүләт Думасы депутаты Әлфия Когогинага, Татарстан таможнясы җитәкчесе Альберт Мавликовка, Россия мөселманнары Диния нәзарәте рәисенең беренче урынбасары Дамир Мөхетдиновка тапшырылды.

Татарстан Республикасының “Фидакарь хезмәт өчен” медаленә Казандагы Серафим Саровский чиркәве настоятеле Дмитрий Салков ия булды. Чарада шулай ук башка дәүләт бүләкләре дә тапшырылды.


 

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

22 сентябрьнең төп вакыйгалары - фото һәм сылтамалар

Рөстәм Миңнеханов хезмәт кешесенең абруен күтәрергә кирәклеген әйтте, “Нур-Ихлас” мәчете территориясендә мәдрәсә төзеләчәк, иртәгә һава торышы бозыла.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.

Синоптиклар иртәгә Татарстанда һава шартлары бозылу турында кисәтә

23 сентябрьдә төнлә һәм иртән республика территориясендә һәм Казанда томан төшәчәк.