Татар дөньясы

Татар активистлары Гарәп Әмирлекләрендә ифтар оештырды

Дубайда узган ифтарга Берләшкән Гарәп Әмирлекләрендә яшәүче 35 милләттәш җыелды.
12.06 14:31

(Казан, 12 июнь, "Татар-информ", Зилə Мөбəрəкшина). Дубай шәһәрендә Берлəшкəн Гарəп Əмирлеклəрендə яшəүче татар активистлары ифтар уздырды. Бу хакта “Татар-информ” мәгълүмат агентлыгы хәбәрчесенә Дубайда яшәүче, ифтарның оештыручылары Әлфия Бәдретдинова һəм Марьяна Маснавеева хәбәр итте.

Чарага Берләшкән Гарәп Әмирлекләренең төрле әмирлекләрендә яшәүче 35 милләттәш җыелган. Аларның күпчелеге тумышлары белән Татарстан, Башкортстан, Кырым, Оренбург өлкәсе, шулай ук Үзбәкстан һәм Казахстан якларыннан.

"Ифтар танышу һәм мәдәни-белем бирү форматында узды. Мондый чаралар файдалы танышуларга сәбәп булып тора һәм мәдәни-милли бердәмлекне ныгыта. Ифтарга балалары белән килгән гаиләләр:  “Чит илдә яшәүчеләргә баланы тәрбияләүдә һәм татар мәдәниятенә мәхәббәт арттыруда мондый чаралар бик мөһим булып тора”, дип ассызыклады", - диде Əлфия Бəдретдинова.

Əлфия Бəдретдинова сүзлəренə караганда, Берләшкән Гарәп Әмирлекләрендәге татарлар берләшмәсендә хəзерге вакытта 130 дан артык вәкил бар. "Бу чарага 35 кеше җыелуына без бик шатбыз, чөнки мондый зур состав белән җыелу беренче тапкыр, дисәң дә була. Изге Рамазан аенда дуслашуыбыз зур мәгънәгә ия  булып тора. Алга таба Дубайда татар чаралары ешрак булыр, һәм без якын арада Дубайда беренче Сабан туе һәм башка милли рухтагы чаралар үткәрербез, дип ышанабыз”, - дип белдерделәр Әлфия Бәдретдинова белән Марьяна Маснавеева.

Татарстан Республикасының Дубайдагы сәүдә-икътисад вәкиллеге татарларны, шулай ук башка төрки һәм кардәш халыкларны, таныштыру, берләштерү, тәрбияви-мәдәни яктан баета торган чаралар үткәрүдә ярдәм күрсәтәчәк.
 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Кариев театрында ребрендинг: үзгәрешләр логотиптан башланып фойе һәм залларга да кагылачак

Яңа театр сезоны ачылыр алдыннан Кариев театры матбугат конференциясе үткәреп, үзенең алдагы планнары белән таныштырды.

Кариев театры премьералар парады вәгъдә итә

Кариев театры яңа сезонын 4 октябрьдә “Куян Эдвардның гаҗәеп сәяхәте” спектакле белән ача.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.