Дин

Әгерҗе мөселманнары Кадер кичәсен мәчеттә уздырды

Сәхәр ашап иртәнге намазны укыганнан соң хатын-кызлар өйләренә юл алды, ә ир-атлар гыйбадәт кылуларын дәвам иттеләр.
12.06 23:00

 (Әгерҗе, 12 июнь, "Татар-информ", "Әгерҗе хәбәрләре"). Рамазан аеның иң истәлекле, саваплы кичләренең берсе – Кадер кичәсен Әгерҗе мөселманнары мәчеттә уздырдылар, дип  яза җирле басма.

Бу көнне алар өчен мәчеттә, гадәттәгечә ифтар ашы оештырылды. Сүз уңаеннан: мондый мәҗлесләр гыйбадәт йортында ай дәвамында барды. Кардәшләребез берләшеп ашлар уздырып, мохтаҗларны туендырып, савап тупладылар.

Кадер кичендә дә дини чара авыз ачудан башланды. Аннан дин кардәшләребез ахшам намазын укыдылар. Ифтар мәҗлесеннән соң Коръән аятьләре тыңладылар. Ястү һәм тәравих намазларыннан соң сәхәр вакыты да килеп җитте.

Сәхәр ашап иртәнге намазны укыганнан соң хатын-кызлар өйләренә юл алды, ә ир-атлар гыйбадәт кылуларын дәвам иттеләр. Алар белән бергә Төркия кунаклары – Хәсән һәм Мәхмәт хәзрәтләр дә гыйбадәт кылдылар. Төркия кунакларының Коръән укулары бик тә аһәңле булып, күңелнең иң нечкә кылларын тибрәтте.

Дини чарада йөзгә якын кардәшебез катнашты. Аларның иманнары тагын да ныгып, Рамазан аеның нуры күңелләрен тагын да ныграк яктырткандыр.

КӨН ҮЗӘГЕНДӘ

Разил Вәлиев: Мәгариф турындагы законга яңадан кайтырга кирәк

Татарстан депутаты Владимир Путинның Россия халыклары милли телләрен яңадан торгызу инициативасын шатланып кабул итте.

Сораштырылган эшмәкәрләрнең яртысы быел бизнес алып бару өчен шартлар начарайганын әйткән

Тимур Нагуманов эшлеклелек активлыгы кимүенә карата борчылуын белдерде.

Путин Россия халыкларының милли телләрен саклау программасын торгызу ихтыяҗы булуын әйтте

СССР заманында дәүләттә милли телләрне саклау буенча махсус программа бар иде, дип искә төшергән ул.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.