Рәсми Татарстан

Рөстәм Миңнеханов Казанда «Мәскәү» мәдәният һәм спорт үзәгендә булды

Әлеге мәдәният һәм спорт үзәге мәдәният йортларын үзгәртү буенча сынау проектына әверелде.
12.06 16:49

(Казан, 12 июнь, "Татар-информ"). Бүген Президент Рөстәм Миңнеханов Казанда «Мәскәү» мәдәният һәм спорт үзәге"ндә (элеккеге Урицкий ис. мәдәният сараенда) булды. Бу хакта Татарстан Президентының матбугат үзәге хәбәр итә.

«Мәскәү» мәдәният һәм спорт үзәгенә капиталь ремонт ясалган. Нигездән үзгәрешләр 2017 елда башланган – ул чакта Татарстан Республикасы Президенты Рөстәм Миңнеханов капиталь ремонт турындагы инициативаны хуплаган.

«Мәскәү» мәдәният һәм спорт үзәге мәдәният йортларын үзгәртү буенча сынау проектына әверелде. Монда спорт залы бар. Анда «Жизнелюб» проектында катнашучылар шөгыльләнә, мини-футбол, волейбол, бадминтон секцияләре эшли.

Моннан тыш, «Мәскәү» МСҮ базасында Казанда беренче балалар киномәктәбе ачылган һәм кытай телен өйрәнү дәресләре башланып киткән.

Рөстәм Миңнеханов һәм аны озата йөрүче затлар «Мәскәү» МСҮсен карап чыктылар, парктагы балалар һәм ата-аналар белән сөйләшеп тордылар.

«Мәскәү» МСҮ мәйданчыгында тагын ретроавтомобильләр һәм мотоцикллар күргәзмәсе оештырылган.

Рөстәм Миңнехановны Казан мэры Илсур Метшин, ТР Президенты Аппараты Җитәкчесе Әсгать Сәфәров һәм Татарстан Республикасы яшьләр эшләре һәм спорт министры Владимир Леонов һәм башка рәсми затлар озата йөрде. 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.